Σκοπός Τσαμουραλί

Προβολή Τραγουδιού

Ιάσων | Σκοποί και τραγούδια από τη Μαύρη Θάλασσα

Καλλιτέχνες: Αλέξανδρος Παρχαρίδης, Φίλιππος Κεσαπίδης

Ποϊλίσσα έμορφος
εκάτσεν σ’ εμόν το γιάν’
Γουρπάν’ ’ίνουμαι, γουρπάν’,
[όι όι, όι όι]
σο καινούργον το φιστάν’

Τα μαλλία ’θε μακρά¹,
οφίδι ’κι σ̌κίζ’ α̤τα
Άνθρωπον ’κι πετσ̌ερεύ’
[όι όι, όι όι]
τσάμι͜ας να χτενίζ’ α̤τα

Μη τερείτε͜ ατο, γειτόν’,
εύκολα ομματι͜άσ̌κεται
Φοούμαι ση μαχαλάν
[όι όι, όι όι]
άλλο ’κι θα λάσ̌κεται

Γλωσσάρι

Κείμενο	Επεξήγηση	Ετυμ. Ρίζα
γειτόν’	γείτονες
γιάν’	πλάι, πλευρά	yan
γουρπάν’	θυσία	kurban/ḳurbān
εκάτσεν	κάθισε
εμόν	δικός/ή/ό μου	ἐμοῦ
έμορφος	όμορφος/η
’θε	του/της
’ίνουμαι	γίνομαι
’κι	δεν	οὐκί<οὐχί
λάσ̌κεται	περιφέρεται, τριγυρνά, περιπλανιέται	ἀλάομαι/ηλάσκω
μακρά	(επιρρ.) μακριά, (επιθ.) μακρινά, απομακρυσμένα
μαχαλάν	γειτονιά	mahalle/maḥalle
ομματι͜άσ̌κεται	ματιάζεται
πετσ̌ερεύ’	καταφέρνει, πετυχαίνει, επιτυγχάνει	becermek
ποϊλίσσα	ψηλή	boylu
σ̌κίζ’	σκίζω/ει
τερείτε	κοιτάτε
τσάμι͜ας	πλεξούδες
φιστάν’	φουστάνι	fistan<fustān
φοούμαι	φοβάμαι

Σημειώσεις

¹ Ορθότερη χρήση το επίθ. «μακρέα»