Προβολή Τραγουδιού
Τα σιμοχώρι͜α του Λαγκαδά |
Σεβντά, φωτία, μάισσαΣτιχουργοί: Γιώτης Γαβριηλίδης
Συνθέτες: Παραδοσιακό
Καλλιτέχνες: Γιώργος Πουλαντσακλής, Γιώτης Γαβριηλίδης
Το Κόλχικον, το Δραματσ̌ούκ’ ατά έναν χωρίον Πέντε Βρύσες και Πολυδένδρ’, κέφι͜α σο καφενείον Αυγή, Λοφίσκος, Αρετή σα κρύα νερά επέγ’ναν Βασιλούδι, Γερακαρού μουχαπέτι͜α εποίν’ναν Ση Μαββίδη σο Δραματσ̌ούκ’ εγούρευαν παρέας Λύραν ο Βάσον κι ο Πάνον, ρακίν, κρομμύδ’ κι ελαίας Σου Λαγκαδά και το παζάρ’ ’ίνουτον κάθαν Τρίτη Ο κύρη μ’ και ο Καφαντάρτς ση Μήτι͜α τη Ταυρίδη Ανέστης, Πόλιος, Πολυχρόντς, Γιοπά͜ης, Μωυσής κι ο Φόλον Χατίρ’ καν’νάν ’κ’ εχαλάναν όντες εδίν’ναν λόγον ♫ Αεροπόρον, Μπαρμπά-Τσαρσ̌ιτάς κι Οδυσσέας σα γλέντι͜α Τσ̌αμπλής, ο Γιάγκον κι ο Αϊβά͜ης πάντα πρώτοι σα κέφι͜α Σου Λαγκαδά σο Κολχικόν τριύλ’, τριύλ’ χωρία Λυριτσ̌ήδες και τραγωδι͜άν’, παιδία μερακλία Αλισ̌αμπλής και ο Χαλβάς, Πέρσος σα καφενεία τα κεμεντζέδες έπαιζαν φαεπότ’ και τραγωδίαν Αγνά κι έμορφα τα χρόνι͜α χωρίς πόνι͜α και τέρτι͜α Οι μειζετέρ’ με τοι νέους έσαν άμον αδέλφι͜α Φιλίαν και συγγένειαν το σέβας είχες φίλον Ατώρα είσαι άμον χοχόλ’ κι άμον ντ’ υλάζ’ ο σ̌κύλον
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αγνά | αξιοθαύμαστα, περίεργα | ||
| άμον | σαν, όπως, καθώς | ἅμα | |
| ατά | αυτά | ||
| ατώρα | τώρα | ||
| εγούρευαν | έστηναν | kurmak | |
| εδίν’ναν | έδιναν | ||
| ελαίας | (τα) ελιές, (τη) ελιάς | ||
| έμορφα | όμορφα | ||
| επέγ’ναν | πήγαιναν | ||
| εποίν’ναν | έκαναν, έφτιαχναν | ποιέω-ῶ | |
| έσαν | ήταν | ||
| ’ίνουτον | γινόταν | ||
| ’κ’ | δεν | οὐκί<οὐχί | |
| κάθαν | κάθε | ||
| καν’νάν | κανέναν | ||
| κρομμύδ’ | κρεμμύδι | ||
| μειζετέρ’ | οι πρεσβύτεροι σε ηλικία | ||
| μερακλία | με μεράκι, με ιδιαίτερο ζήλο | meraklı/merāḳ | |
| μουχαπέτι͜α | κουβέντες, φιλικές συνομιλίες, συνεκδ. φιλικές συνεστιάσεις (συνήθως μετά μουσικής) | muhabbet/maḥabbet | |
| όντες | όταν | ||
| παιδία | παιδιά | ||
| παρέας | (γεν. ενικ.) παρέας, (ον./αιτ. πληθ.) παρέες | ||
| πόνι͜α | πόνοι | ||
| ρακίν | αλκοολούχο ποτό που παράγεται από τη ζύμωση φρούτων ή στεμφύλων φρούτων | rakı/ˁaraḳī | |
| τέρτι͜α | καημοί, βάσανα, στενοχώριες | dert | |
| τοι | τους/τις | ||
| τραγωδίαν | τραγούδι | ||
| τραγωδι͜άν’ | τραγουδιστές | ||
| τριύλ’ | τριγύρω | ||
| υλάζ’ | γαβγίζει | ὑλάω | |
| φαεπότ’ | φαγοπότι | ||
| χατίρ’ | χάρη, σεβασμός, υπόληψη | hatır/ḫāṭir | |
| χοχόλ’ | σκουπίδι | ||
| χωρία | χωριά |
