Σην καρδιά μ’ έχω βάσανα

Προβολή Τραγουδιού

Καλλιτέχνες: Γεώργιος Εμμανουηλίδης, Κωστίκας Κωνσταντινίδης

Σην καρδι͜ά μ’ έχω βάσανα,
σο ψ̌όπο μ’ έχω πόνι͜α
Σ̌ασ̌ουρεμένον πορπατώ
σα έρημα τα δρόμι͜α

Ας εξέρες π’ εκρέμ’σε με -ν
και η σεβντά τ’ εσόν-ι
Αρνόπο μ’ / Πουλόπο μ’ και η καμονή σ’
εμέν θα θανατώνει

Τραγωδώ, λέν’ μοιρολογώ,
λέγουνε θ’ αποθάνω
Σην ξενιτείαν μαυροζώ
άλλο ντο θα παθάνω;

Αν αποθάνω θάψτε με -ν
απέσ’ σα λιβαδεία
Να έρ’ται η τρυγόνα μου
και να βοσ̌κίζ’ τ’ αρνία

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
αποθάνω	πεθαίνω
αρνόπο	αρνάκι, χαϊδευτική προσφώνηση γυναίκας
βοσ̌κίζ’	βοσκάει
δρόμι͜α	δρόμοι, δρόμους
εκρέμ’σε	γκρέμισε
έρ’ται	έρχεται
εσόν	δικός/ή/ό σου
καμονή	καημός
παθάνω	παθαίνω
πόνι͜α	πόνοι
πορπατώ	περπατάω
πουλόπο	πουλάκι
σ̌ασ̌ουρεμένον	σαστισμένο, που τα έχει χαμένα	şaşırmak
σεβντά	αγάπη, έρωτας	sevda/sevdā
τραγωδώ	τραγουδάω
τρυγόνα	το πουλί τρυγόνι, χαϊδευτική προσφώνηση γυναίκας
ψ̌όπο	ψυχούλα