Ας σην Τόνγιαν έρχουμαι

Προβολή Τραγουδιού

Καλλιτέχνες: Γεώργιος Εμμανουηλίδης, Κωστίκας Κωνσταντινίδης

Ας σην Τόνγιαν έρχουμαι,
πάντα λέω και γελώ
Θέκω κα’ τα άρματα μ’
κι αρχινώ να τραγωδώ
Θέκω κα’, θέκω κα’,
θέκω κα’ τα άρματα μ’,
αρχινώ να τραγωδώ

Ας σην Τόνγιαν έρχουμαι,
πιτσ̌ιμλής και σεβνταλής
Καίεται το καρδόπο μ’,
θεία, δος μα την κουτσ̌ή σ’
Καίεται, καίεται,
καίεται το καρδόπο μ’,
θεία, δος μα την κουτσ̌ή σ’

Ας σην Τόνγιαν έρχουμαι,
χορεύω το τρομαχτόν
Ας έν’, θεία μ’, για την ψ̌η σ’
δος μ’ ατέν με το καλόν
Ας έν’, θεία μ’, ας έν’, θεία μ’,
ας έν’, θεία μ’, για την ψ̌η σ’,
δος μ’ ατέν με το καλόν

Ας σην Τόνγιαν έρχουμαι,
φορτωμένος τ’ άρματα
Κόρ’, εσέν θα κλέφτω σε
σ’ άγρι͜α τα χαράματα
Κόρ’, εσέν, κόρ’, εσέν,
Κόρ’, εσέν θα κλέφτω σε
σ’ άγρι͜α τα χαράματα

Γλωσσάρι

Κείμενο	Επεξήγηση	Ετυμ. Ρίζα
άρματα	όπλα	armum
ας σην	απ’ την	ασό σην (από την)
ατέν	αυτήν
δος	δώσε
δος μα	δώσε μου
έν’	είναι
έρχουμαι	έρχομαι
θέκω	θέτω, τοποθετώ, βάζω
κα’	κάτω
καίεται	καίγεται
καρδόπο	καρδούλα
κλέφτω	κλέβω
κουτσ̌ή	κόρη
πιτσ̌ιμλής	όμορφος, καλοσχηματισμένος, κομψός	biçimli
σεβνταλής	ερωτοχτυπημένος, ερωτευμένος	sevdalı
τραγωδώ	τραγουδάω
τρομαχτόν	ονομασία ποντιακού χορού
ψ̌η	ψυχή