Τερώ την κάμαρη σ’

Προβολή Τραγουδιού

Καλλιτέχνες: Κυριάκος Τριανταφυλλίδης, Κώστας Σιώπης, Παναγιώτης Κογκαλίδης

Τερώ, τερώ την κάμαρη σ’
βζημένα είν’ τα φώσ̌ι͜α
Απέξ’ κάθουμαι τραγωδώ
τη καρδι͜άς ι-μ’ τ’ ατόσα

Για στρώσον και καλοστρώσον
ριζίκα μ’, τα κρεβάτι͜α σ’
Μεσανυχτί’ θα έρχουμαι
ξάι μ’ ασπαλείς τ’ ομμάτι͜α σ’

Άνδρας ι-σ’ κακοπέσετος
’κι αφήν’ -τ- σε να κοιμάσαι
Τοπλάεψον τα λώματα σ’
και φέψον να πας χάσαι

Απόθεν κέσ’ να αρχινώ
και πού κέσ’ να τελένω;
Εσέν πόσον ογράσ̌εψα
σ’ εμέν κερι͜ά να στένω

Γλωσσάρι

Κείμενο	Επεξήγηση	Ετυμ. Ρίζα
απέξ’	απέξω
απόθεν	από που, από όπου
ασπαλείς	σφαλίζεις κτ, κλείνεις κτ εντελώς/πολύ καλά
αφήν’	αφήνει
βζημένα	σβησμένα
είν’	(για πληθ.) είναι
έρχουμαι	έρχομαι
κακοπέσετος	αυτός που είναι ανήσυχος στον ύπνο του
κερι͜ά	ταιριαστός/ή/ό	göre
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
’κι	δεν	οὐκί<οὐχί
λώματα	ρούχα	λῶμα/λωμάτιον
μεσανυχτί’	την ώρα του μεσονυχτίου
ξάι	καθόλου
ογράσ̌εψα	(αμτβ) πάσχισα, πάλεψα	uğraşmak
ομμάτι͜α	μάτια
στένω	στήνω
στρώσον	(προστ.) στρώσε
τελένω	(μεταβ.) τελειώνω κτ
τερώ	κοιτώ
τοπλάεψον	μάζεψε, συγκέντρωσε	toplamak
τραγωδώ	τραγουδάω
φέψον	φύγε
φώσ̌ι͜α	φώτα
χάσαι	χάνεσαι