Μυλιάχκεσαι τα παλαιά

Προβολή Τραγουδιού

Μυλιάχκεσαι τα παλαιά,
’ψεζ’νά κι αροψεζ’νά -ι
Απιδι͜αβαίντς τ’ ατωριζ’νά
και γίν’ντανε ’ψεζ’νά -ι

Ο πρόσωπός ι-σ’ φουρλαεύ’,
κόκκινος άμον τσία
Και -ν- οξ̌ουκά ήλιος, φως,
Θεού χαραδοξία

Νύχταν ημέραν θα νουνί͜εις
τα μὲσα σ’ πα κουράουν
Κουρεύ’ς κορδύλι͜α ση σειράν
ντο ’κι αποκορδυλι͜άουν

Μη τυρα̤ννί͜εις τον εαυτό σ’
χωρίς να έν’ αιτία
Νούντσον τσ̌ιτσ̌άκια ζελευτά
κι όχι ξερά κουρία

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
απιδι͜αβαίντς	φεύγεις, αφήνεις πίσω, προσπερνάς, ξεπερνάς	από + διαβαίνω
αποκορδυλι͜άουν	ξεμπλέκονται, ξετυλίγονται, λύνονται
αροψεζ’νά	προχθεσινά
ατωριζ’νά	τωρινά
γίν’ντανε	γίνονται
έν’	είναι
’κι	δεν	οὐκί<οὐχί
κορδύλι͜α	(αιτ.) κόμποι, κόμπους
κουράουν	σπάνε, διπλώνουν	kırmak
κουρεύ’ς	στήνεις, τακτοποιείς, οργανώνεις	kurmak
κουρία	κομμάτια κορμού δέντρου
μὲσα	(τα) η μέση
μυλιάχκεσαι	ξεδιαλέγεις, ξεκαθαρίζεις
νουνί͜εις	σκέφτεσαι
νούντσον	(προστ.) σκέψου
οξ̌ουκά	έξω
πα	πάλι, επίσης, ακόμα
τσία	σπίθα
τσ̌ιτσ̌άκια	λουλούδια	çiçek
τυρα̤ννί͜εις	τυραννάς, ταλαιπωρείς
φουρλαεύ’	ορμάει, χιμάει, εκτινάσσεται, εκτοξεύεται	fırlamak
χαραδοξία	αγαλλίαση, ευθυμία, χαρά, ευδία
’ψεζ’νά	(οψεζ’νά) χθεσινά