Εψαλάφεσα ’τεν ζάχαρη

Προβολή Τραγουδιού

Στιχουργοί: Γιάννης Καλπατσινίδης, Δημήτρης Καρασαββίδης, Παραδοσιακό

Καλλιτέχνες: Γιάννης Καλπατσινίδης, Δημήτρης Καρασαββίδης

expand_content

Εψαλάφεσα ’τεν ζάχαρη
είπε με «σο σακκίν έν’»
Ετάλεψα σα κόλφι͜α ’θε
είπε με «τ’ εσά ’κ’ είναι»

Γουρπάν’ σο πόι σ’ το λεγνόν
ίσον άμον λαμπάδαν
Απόψ’ είδα σε ους να μερών’
και ντο πολλά -ν- εχάρα!

Να είχα χ̌ίλι͜α πρόατα
και πεντακόσι͜α αρνία
Επαίρ’να την τρυγόνα μου
κι εβγώνα σα ραχ̌ία

Νε μπάρμπα-Γιάννε τουλουμτζ̌ή!
Παίξον το τουλουμόπο σ’!
Τα φασούλι͜α μη τρως ατα
πρέσ̌κεται το κοιλόπο σ’

Γεια σου μπάρμπα-Γιάννε!! Τσούμπ’σον!

Αποθαμένον αναστέν’
ατό τ’ εσόν η εγκάλια
Νασάν τον κυρ’ π’ εποίν’νε σε,
η μερακλίσσα η μάνα

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
αναστέν’	αναζωογονεί, αναθρέφει/μεγαλώνει (παιδί), ανασταίνει	ἀνίστημι
αποθαμένον	πεθαμένος/ο
ατα	αυτά
γουρπάν’	θυσία	kurban/ḳurbān
εβγώνα	έβγαινα
εγκάλια	αγκαλιά
έν’	είναι
επαίρ’να	έπαιρνα
εποίν’νε	έκανε, έφτιαχνε	ποιέω-ῶ
εσά	δικά σου/σας
εσόν	δικός/ή/ό σου
ετάλεψα	όρμησα, χίμηξα	dalmak
εχάρα	χάρηκα
εψαλάφεσα	ζήτησα, αιτήθηκα
’θε	του/της
’κ’	δεν	οὐκί<οὐχί
κοιλόπο	κοιλίτσα
κόλφι͜α	η αγκαλιά, ο κόλπος, το μέρος του σώματος ανάμεσα στους βραχίονες και το στήθος, το στήθος της γυναίκας
λεγνόν	λιγνό, λεπτό
μερακλίσσα	μερακλού	meraklı/merāḳ
μερών’	μερώνει, ξημερώνει
νασάν	χαρά σε
ους	ως, μέχρι
παίξον	(προστ.) παίξε
πόι	ύψος, μπόι	boy
πολλά	(επίθ.) πολλά, (επίρρ.) πολύ
πρέσ̌κεται	πρήζεται
πρόατα	πρόβατα
ραχ̌ία	ράχες, βουνά
’τεν	αυτήν
τουλουμτζ̌ή	οργανοπαίκτης γκάιντας (τουλούμ)	tulumcı
τρυγόνα	το πουλί τρυγόνι, χαϊδευτική προσφώνηση γυναίκας
τσούμπ’σον	(προστ.) συμπίεσε

Σημειώσεις

1ᵒ δίστιχο Γ. Καλπατσινίδη
2ᵒ δίστιχο Δ. Καρασαββίδη