Προβολή Τραγουδιού

Επάρ’ το καλαθόπο σου

Στιχουργοί: Γιώργος Αμαραντίδης, Παραδοσιακό

Συνθέτες: Γιώργος Αμαραντίδης, Παραδοσιακό

Επάρ’ το καλαθόπο σου,
ας πάμε σα χαμούφτας
Εγώ -ν- ας λύνω το σπαρέλ’ σ’
κι εσύ πέει «Νέπρε ντ’ ευτάς;»

Για δώστε με -ν- έναν μαχ̌αίρ’,
ας έν’ κι ακονεμένον
Θα κρούγω ατο σο καρδόπο μ’
το παραπονεμένον

Άμον ήλιος ολόλαμπρος
π’ εβγαίν’ ας σο ραχ̌ίν-ι
Αέτσ’ εβγαίν’ς κι ας σ’ οσπίτι σ’
και καί͜εις τ’ εμόν την ψ̌ην-ι

Γλωσσάρι

Κείμενο	Επεξήγηση	Ετυμ. Ρίζα
αέτσ’	έτσι
ακονεμένον	ακονισμένο/η
άμον	σαν, όπως, καθώς
εβγαίν’	βγαίνει
εμόν	δικός/ή/ό μου	ἐμοῦ
έν’	είναι
ευτάς	κάνεις, φτιάχνεις	εὐθειάζω
καρδόπο	καρδούλα
κρούγω	χτυπώ
μαχ̌αίρ’	μαχαίρι
νέπρε	μωρέ, βρε, βρε συ
πέει	πες (προστ.)
ραχ̌ίν	βουνό, ράχη
σπαρέλ’	μέρος γυναικείας ενδυμασίας αυτοτελές που χρησιμεύει ως κάλυμμα του στήθους
χαμούφτας	φράουλες
ψ̌ην	ψυχή