Θα τραγωδώ λυπητερά

Προβολή Τραγουδιού

Καλλιτέχνες: Γιώργος Αμαραντίδης, Κωνσταντίνος Κοργιανίδης

Θα τραγωδώ λυπητερά
και θα κλαίγω θλιμμένα
[Αχ!] Θα λέγω λόγια τη σεβτι͜άς
και παραπονεμένα

Γιατί, πουλόπο μ’, ’κι τερείς
άλλο σ’ εμέν μερέαν;
[Αχ!] Πόσον καιρόν κι άλλο θα δί’ς
σ’ εμέν τη μαχ̌αιρέαν;

Τα τέρτι͜α σο καρδόπο μου
είναι πολλά βαρέα
[Αχ!] Καρφώντς κι εσύ πα το μαχ̌αίρ’
και πάει κι άλλο βαθέα

Αρνί μ’/Πουλί μ’, το ψ̌όπο μ’ κι η ζωή μ’
είναι σ’ εσά τα χ̌έρι͜α
[Αχ!] Αν θέλτς σπάξον με με το μέλ’,
αν θέλτς με τα μαχ̌αίρι͜α

Γλωσσάρι

Κείμενο	Επεξήγηση	Ετυμ. Ρίζα
βαθέα	βαθιά
βαρέα	βαριά, συχνά, πολύ
δί’ς	δίνεις
εσά	δικά σου/σας
θέλτς	θέλεις
καρδόπο	καρδούλα
καρφώντς	καρφώνεις
’κι	δεν	οὐκί<οὐχί
μαχ̌αίρ’	μαχαίρι
μαχ̌αιρέαν	μαχαιριά
μέλ’	μέλι
μερέαν	μεριά
πα	πάλι, επίσης, ακόμα
πολλά	(επίθ.) πολλά, (επίρρ.) πολύ
πουλόπο	πουλάκι
σεβτι͜άς	αγάπης, έρωτα	sevda/sevdā
σπάξον	(προστ.) σφάξε
τερείς	κοιτάς
τέρτι͜α	καημοί, βάσανα, στενοχώριες	dert
τραγωδώ	τραγουδάω
ψ̌όπο	ψυχούλα