Πετάς, πετάς

Προβολή Τραγουδιού

Καλλιτέχνες: Δημήτρης Κοτσογλανίδης, Νίκος Κοτταρίδης

Ένοιξες τα τσ̌ιτσ̌εκόπα σ’
σα ψηλά τα κλαδία
’Κ’ εφτάνω να μυρίσκουμαι
τ’ εσόν την ευωδία

Πετάς, πετάς ψηλά
για έλα χαμελά
Άνοιξον τ’ εγκαλιόπο σ’
του Παραδείσ’ την πόρταν

Θα τοπλαεύω τα λίβι͜α
τον ήλιον θα σ̌κεπάζω
Σ’ εγκαλιόπο σ’ θα κρύφκουμαι
εκειαπέσ’ θα φωλιάζω

Πετάς, πετάς ψηλά
για έλα χαμελά
Άνοιξον τ’ εγκαλιόπο σ’
του Παραδείσ’ την πόρταν

Αν τραγωδώ ’κι χ̌αίρουμαι
κι αν κλαίγω ’κι λαρούμαι
Λαρών’νε ’μεν τ’ ομματόπα σ’
εμέν όντες τερούνε

Πετάς, πετάς ψηλά
για έλα χαμελά
Άνοιξον τ’ εγκαλιόπο σ’
του Παραδείσ’ την πόρταν

Να έμ’νε σα χ̌ερόπα σου
δαχτυλίδ’ και βραχ̌ι͜άλι
κι αφκά σο σπαρελόπο σου
του σπαρελί’ σ’ τ’ αστάρι

Πετάς, πετάς ψηλά
για έλα χαμελά
Άνοιξον τ’ εγκαλιόπο σ’
του Παραδείσ’ την πόρταν

Γλωσσάρι

Κείμενο	Επεξήγηση	Ετυμ. Ρίζα
άνοιξον	(προστ.) άνοιξε
αστάρι	φόδρα	astar/āster
αφκά	κάτω
βραχ̌ι͜άλι	βραχιόλι	βραχιάλιον<bracchiale<βραχίων
εγκαλιόπο	αγκαλίτσα
εκειαπέσ’	εκεί μέσα
έμ’νε	ήμουν
ένοιξες	άνοιξες
εσόν	δικός/ή/ό σου
εφτάνω	φτάνω
’κ’	δεν	οὐκί<οὐχί
’κι	δεν	οὐκί<οὐχί
κρύφκουμαι	κρύβομαι
λαρούμαι	γιατρεύομαι, θεραπεύομαι
λαρών’νε	γιατρεύουν, θεραπεύουν
λίβι͜α	σύννεφα	λίβος<λείβω
μυρίσκουμαι	μυρίζω κτ, οσφραίνομαι
ομματόπα	ματάκια
όντες	όταν
παραδείσ’	παραδείσου
σπαρελί’	σπαρελιού (βλ.σπαρέλιν)	spalliera
σπαρελόπο	μέρος γυναικείας ενδυμασίας αυτοτελές που χρησιμεύει ως κάλυμμα του στήθους	spalliera
τερούνε	κοιτούν
τοπλαεύω	μαζεύω, συγκεντρώνω	toplamak
τραγωδώ	τραγουδάω
τσ̌ιτσ̌εκόπα	λουλουδάκια	çiçek
χ̌αίρουμαι	χαίρομαι
χ̌ερόπα	χεράκια
χαμελά	χαμηλά