Απάν’ σ’ άλογον είμαι

Μάνα, τον κόσμον ελάστα [ν’ αϊλί]
όλα̤ τα θαλασσάκρα̤ [αμάν]
Πουδέν ’κ’ ευρέθεν γιατρικόν [ν’ αϊλί]
και για τ’ εμά τα τέρτα̤ [αμάν, γιαβρί μ’]

Ανάθεμα, ανάθεμα [ν’ αϊλί]
ανάθεμα το χάλι μ’ [αμάν, πουλί μ’]
Πόσα κι άλλο θα σύρ’ [ν’ αϊλί]
το ξερόν το κιφάλι μ’ [αμάν, γιαβρί μ’]

Εσέν, ρακόπο μ’, πίνω σε [ν’ αϊλί]
πασ̌κείμ’ για μεθυσίαν; [αμάν, γιαβρί μ’]
Πίνω σε ας σ’ εφκιαρόπο μ’ [ν’ αϊλί]
ας σην τυρα̤ννισίαν [αμάν, γιαβρί μ’]