Μ’ ανεσπάλεις καμίαν

Προβολή Τραγουδιού

Στιχουργοί: Adem Ekiz

Συνθέτες: Adem Ekiz

Καλλιτέχνες: Adem Ekiz

expand_content

Η μάνα σ’ ντ’ εγέννεσε σε
σο κουνίν ντ’ εκούνιξε σε
Ατέ ντ’ εβυζάλιξέ σε
Αχ! μ’ ανεσπάλεις καμίαν

Εσύ τη μάνα σ’, τον κύρη σ’,
τον αδελφό σ’, την αδελφή σ’
Απ’ όθεν έρθεν το σόι σ’
Αχ! μ’ ανεσπάλεις καμίαν

Έσουν μικρός, ετράνυνες
Έσουν κοντός, εμάκρυνες
Με τ’ ομματόπα σ’ ντο είδες
Αχ! μ’ ανεσπάλεις καμίαν

Με τ’ ωτία ατά ντ’ έκουσες
Με το στόμα σ’ ντ’ έφαες
Ατό την γλώσσαν ντ’ έμαθες
Αχ! μ’ ανεσπάλεις καμίαν

Νέος έσουν κι εγέρασες
τα ημέρας ντ’ εδέβαξες
Τα χώματα ντ’ επάτεσες
Αχ! μ’ ανεσπάλεις καμίαν

Γλωσσάρι

Κείμενο	Επεξήγηση	Ετυμ. Ρίζα
ανεσπάλεις	ξεχάσεις
ατά	αυτά
ατέ	αυτή
εδέβαξες	(ιδιωμ.) πέρασες, διέσχισες	διαβαίνω
έκουσες	άκουσες
έρθεν	ήρθε
έσουν	(ιδιωμ.) ήσουν
ετράνυνες	μεγάλωσες, ανατράφηκες	τρανόω-ῶ
έφαες	έφαγες
καμίαν	ποτέ
κουνίν	κούνια
όθεν	όπου, οπουδήποτε, σε όποιον
ομματόπα	ματάκια
ωτία	αυτιά