Σιπ-σιπ κι άμον ελαία

Προβολή Τραγουδιού

Σα ψηλά εχ̌ι͜όντσεν/Σιπ-σιπ κι άμον ελαία

Τέρεν, αρνί μ’, τέρεν, πουλί μ’,
τα σύννεφα πώς πάνε
κι οι τουσ̌μάν’ απ’ ολόερα
τερούνε μας και σπάν’νε

Σιπ-σιπ κι άμον ελαία
για κλὼσ’	 σ’ εμέν μερέα
Γιά ένα φίλεμα δος με
γιά ένα μαχ̌αιρέα

Τ’ ουρανού τα πετούμενα,
τ’ ουρανού τα πουλόπα
εκάτσαν κι εζωγράφιζαν
τ’ ομματί’ σ’ τα πλουμόπα

Σιπ-σιπ κι άμον ελαία
για κλὼσ’	 σ’ εμέν μερέα
Γιά ένα φίλεμα δος με
γιά ένα μαχ̌αιρέα

♫

Έναν και μαναχόν είσαι,
εσύ πα να μη έσ’νε
Η μάνα που εποίκε σε,
εκείνε πα ’κι θέλ’ -τ- σε!

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
γιά	είτε, ή	ya/yā
δος	δώσε
εκάτσαν	κάθισαν
εκείνε	εκείνη
ελαία	ελιά (καρπός & το δέντρο)
εποίκε	έκανε, έφτιαξε	ποιέω-ῶ
έσ’νε	ήσουν
’κι	δεν	οὐκί<οὐχί
κλὼσ’	(προστ.) γύρισε, γύρνα
μαναχόν	(έναρθρο) μοναχός, μοναχό, (επίρρ) μόνο/μοναχά
μαχ̌αιρέα	μαχαιριά
μερέα	μεριά
ολόερα	ολόγυρα
ομματί’	ματιού
πα	πάλι, επίσης, ακόμα
πλουμόπα	(υποκορ.) κεντητά ή ζωγραφιστά διακοσμητικά σχέδια, μτφ. στολίδιa	pluma
πουλόπα	πουλάκια
σιπ-σιπ	κάτι που αναπηδά	zıpzıp
σπάν’νε	σκάνε, εκρήγνυνται
τέρεν	(προστ.) κοίταξε
τερούνε	κοιτούν
τουσ̌μάν’	εχθροί	düşman/duşmān
φίλεμα	φιλί