Δέβα φύγον απ’ εμέν

Δέβα φύγον ας σο γιάνι μ’,
εσύ ’κ’ είσαι για τ’ εμέν
κι άλλο ξάι μη κρού’ς απάν’ ι-μ’,
είμες τελεμέν’
Δέβα!
Δέβα φύγον απ’ εμέν,
εσύ ’κ’ είσαι για τ’ εμέν

Δέβα φύγον ασ’ εμένα
και μη κλώσ̌κεσαι -ν- οπίσ’
Ας σ’ εκόμπωσες εμένα
αλλού μη τερείς
Δέβα!
Δέβα φύγον απ’ εμέν,
εσύ ’κ’ είσαι για τ’ εμέν

Άλλα έλεες ατότε,
ὰμα ντο λες ’κι γανεύ’ς
Μίαν λες πως αγαπάς με,
μίαν πουσ̌μανεύ’ς
Δέβα!
Δέβα φύγον απ’ εμέν,
εσύ ’κ’ είσαι για τ’ εμέν

Για τ’ εσέν όλι͜α εδέκα
και για τ’ εσόν το χατίρ’
Τοι γονέοις, τοι φίλτς εφέκα
ὰμα, πού χαΐρ’;
Δέβα!
Δέβα φύγον απ’ εμέν,
εσύ ’κ’ είσαι για τ’ εμέν
Δέβα φύγον απ’ εμέν,
εσύ ’κ’ είσαι για τ’ εμέν [...]