Εσύ είσαι τ’ εμόν η ψ̌η

Εσύ είσαι τ’ εμόν η ψ̌η,
αν χάνω σε θα χάμαι! [γιαρ]
Έλα -ν- ο κόσμος μ’ εγροικά
το σεβνταλούχ’ ντ’ ευτάμε [γιαρ]

Τη καρδίας ι-μ’ η χαρά
και όλα̤ τα μουράτα̤ [γιαρ]
εράεψα και -ν- εύρα ’τα,
αρνί μ’, σ’ εσά τ’ ομμάτα̤ [γιαρ]

Τ’ ομμάτα̤ σ’ έχ’νε τ’ άψιμον,
τα χ̌είλα̤ σ’ τη φωτίαν [γιαρ]
Ατά εμέν όντες τερούν
λύεται η καρδία μ’ [γιαρ]

Η καρδία μ’ βρουλίεται,
τ’ ομμάτα̤ μ’ σκοτεινεύ’νε [γιαρ]
Κάθαν βραδήν, κάθαν πουρνόν
εσένα αραεύ’νε [γιαρ]