Το σπαλέρ’ν ατ’ς έν’ λυμένον

Ανάθεμα το Βολοβότ,¹
ίλιαμ τη Νέα Σάντα
Έχασα το μικρόν τ’ αρνί μ’,
αραεύ’ ατο πάντα

Το σπαλέρ’ν ατ’ς έν’ λυμένον
είπε με τ’ αφορισμένον
Το σπαλέρ’ν ατ’ς έν’ κομμάτι͜α,
γουρπάν’ σ’ ατεινές τ’ ομμάτι͜α

Ανάθεμα το Βολοβότ,¹
ίλιαμ τη Ραχμανλή² -νι
Εκεί δεντρόπον ’κι φυτρών’,
πουλίν ’κι κελαηδεί -νι

Το σπαλέρ’ν ατ’ς έν’ λυμένον
είπε με τ’ αφορισμένον
Το σπαλέρ’ν ατ’ς έν’ κομμάτι͜α,
γουρπάν’ σ’ ατεινές τ’ ομμάτι͜α