Ατσάπ’ θα ελέπω εγώ το Γαρς

Προβολή Τραγουδιού

Ατσ̌άπ’ θα ελέπω εγώ το Γαρς
και τα χωρία όλι͜α;
Ατά π’ εφέκαν τ’ εμετέρ’
κι επέμ’ναν παστ̌άν τσ̌όλι͜α

Σα τόπι͜α τ’ εμετερίων,
ση Γαρσί’ κάθαν χωρίον
Σα ορμάνια και σα ραχ̌ι͜ά
σκουντούλιζαν τα χασ̌χάσ̌ι͜α

Τσ̌όλ’ κι έρημα επέμ’νανε
τη Γαρσί’ τα ραχ̌ία
Πόσα καημούς ’κ’ εφέκανε
ση Γαρσληδίων τα ψ̌ήα;

Σα τόπι͜α τ’ εμετερίων,
ση Γαρσί’ κάθαν χωρίον
Σα ορμάνια και σα ραχ̌ι͜ά
σκουντούλιζαν τα χασ̌χάσ̌ι͜α

Γλωσσάρι

Κείμενο	Επεξήγηση	Ετυμ. Ρίζα
ατά	αυτά
ατσ̌άπ’	άραγε, αναρωτιέμαι	acep/ʿaceb
Γαρσί’	(γεν.) του Καρς
ελέπω	βλέπω
εμετέρ’	δικοί μας	ἡμέτερος
εμετερίων	δικών μας	ἡμέτερος
επέμ’ναν	απόμειναν
επέμ’νανε	απόμειναν
εφέκαν	αφήσαν
εφέκανε	άφησαν
’κ’	δεν	οὐκί<οὐχί
κάθαν	κάθε
ορμάνια	δάση	orman
ραχ̌ι͜ά	ράχες, βουνά
ραχ̌ία	ράχες, βουνά
σκουντούλιζαν	ευωδίαζαν, μοσχοβολούσαν
τόπι͜α	τόποι, μέρη
τσ̌όλ’	έρημο, ερημικό	çöl
τσ̌όλι͜α	έρημα, ερημικά	çöl
χασ̌χάσ̌ι͜α	παπαρούνες	haşhaş/ḫaşḫāş
χωρία	χωριά
ψ̌ήα	ψυχές, η περιοχή του στέρνου, τα εσώψυχα