Βροχάλα

Προβολή Τραγουδιού

Καλλιτέχνες: Θεόδωρος Βεροιώτης, Κώστας Καραπαναγιωτίδης, Κώστας Σιώπης

Καλά ’φτάγω, καλά ’φτάγω,
βοσ̌κίζω τη Βροχάλαν¹
Εκείνε τρώει την τρίφυλλην
κι εγώ πίνω το γάλαν

Κόρη, τα ζα ντ’ ερίαζες
το έναν η Στεφάνα¹
Μίαν κι άλλο ας εφίλ’να σε
κι ύστερα ας επεθάν’να

Κόρη, κατήβα στο μαντρίν,
ελύεν η Κιζέλα¹
Ελύεν και το σπαρέλι σ’
κι εφώταξεν η μέρα

Γλωσσάρι

Κείμενο	Επεξήγηση	Ετυμ. Ρίζα
βοσ̌κίζω	βοσκάω
εκείνε	εκείνη
ελύεν	λύθηκε, έλιωσε
επεθάν’να	πέθαινα
ερίαζες	πρόσεχες, φυλούσες, επέβλεπες
εφίλ’να	φιλούσα
εφώταξεν	φώτισε
ζα	ζώα
κατήβα	(προστ.) κατέβα
μίαν	μια φορά
μίαν κι άλλο	άλλη μια φορά
σπαρέλι	μέρος γυναικείας ενδυμασίας αυτοτελές που χρησιμεύει ως κάλυμμα του στήθους	spalliera
τρίφυλλην	τριφύλλι
’φτάγω	(ευτάγω) κάνω, φτιάχνω	εὐθειάζω

Σημειώσεις

¹ Ονόματα που δίνονταν σε αγελάδες