Χαμόμηλον

Προβολή Τραγουδιού

Καλλιτέχνες: Ελένη Καραπαναγιωτίδου, Θεόδωρος Βεροιώτης

Και ντ’ έπαθες, χαμόμηλον,
και στέκεις μουχλεμένον; [γιαρ]
Γιάμ’ η ρίζα σ’ εδίψασεν;
Γιάμ’ ο καρπό σ’ ελλάεν; [γιαρ]
Γιάμ’ ας σα χαμηλόκλαδα σ’
κανέναν ετραλίεν; [γιαρ]

Ουδ’ η ρίζα μ’ εδίψασεν,
ουδ’ ο καρπό μ’ ελλάεν [γιαρ]
Ουδ’ ας σα χαμηλόκλαδα μ’
κανέναν ετραλίεν [γιαρ]

Έναν κορίτσ’ κι έναν παιδίν
ση ρίζα μ’ εφιλέθαν [γιαρ]
Κι εποίκαν όρκον κι όμνυσμαν
να μ’ ευτάν’ χωρισίαν [γιαρ]

Κι ατώρα εποίκαν χωρισι͜άν,
έχω κι εγώ ας σο κρίμαν [γιαρ]

Γλωσσάρι

Κείμενο	Επεξήγηση	Ετυμ. Ρίζα
ας σα	απ’ τα	ασό σα (από τα)
ας σο	απ’ το	ασό σο (από το)
ατώρα	τώρα
γιάμ’	μήπως, ή μη	ya/yā + μη
γιαρ	αγαπητός/ή/ό, αγάπη	yâr
ελλάεν	άλλαξε
εποίκαν	έκαναν, έφτιαξαν	ποιέω-ῶ
ετραλίεν	βλάφθηκε, καταστράφηκε, μετακινήθηκε
ευτάν’	κάνουν, φτιάχνουν	εὐθειάζω
εφιλέθαν	φιλήθηκαν
μουχλεμένον	ομιχλώδες, μτφ. κατηφές, σκυθρωπό
όμνυσμαν	όρκος
ουδ’	(ουδέ) ούτε
χωρισίαν	χωρισμός, αποχωρισμός