Γραία, γούρεψον το τραπέζ’

Γραία, γούρεψον το τραπέζ’,
θήκον και τα σκαμνία
Ας σο χωράφ’ θα έρ’τανε
νυφάδες και παιδία

Τ’ οσπίτ’ ’α γομούται χαράν
γέλ’τα και τραγωδίας
Κι η γραία άμον κορτσόπον
ευτάει και τα δουλείας

Ο γέρον με το γαλίον
σουμά και το παστόνι
Σο χ̌έρ’ν ατ’ κρατεί το τεζπίχ’
και παίζ’ με το μωρόν -ι

Γραία, για δος με το χ̌έρι σ’
και χάιτε ας πορπατούμε
Αβούτ’ ο κόσμος ψεύτικον,
πόσον κι άλλο θα ζούμε;