Τούζλα

Προβολή Τραγουδιού

Καλλιτέχνες: Γεύση Νικολαΐδη, Δημήτρης Ξενιτόπουλος, Παναγιώτης Μαυρίδης, Πέλα Νικολαΐδη, Στάθης Νικολαΐδης

Θέλτς σον παράδεισον να ζεις
ξένοιαστα εσύ ημέρας
Έλα σην Τούζλαν να αλλά͜εις
ολίγον τον αέρα σ’

Φέρον και την φαμέλια σ’,
παιδία, γεροντάδες
Να χ̌αίρουστουν την θάλασσαν
με ολίτσ̌ικα παράδες

Ελάτε για να λάσκουστουν
σε μαγαζία νέα
Σουμά έν’ κι η Αμφίπολη
μ’ αγάλματα αρχαία

Κάθαν ημέραν σο κολύμπ’
και ξαν σ’ οσπίτ’ δεβάτε
και όλια τα οράματα
αληθινά να ευτάτε

Θα τρώγομε και πίνομε
ση θάλασσας τα κέντρα
Ευτάμε κι ένα μουχαπέτ’
και ανά δύο μέτρα

Η Τούζλα, το Οφρύνιον
έν’ τη ζωής ο τόπος
Να χ̌αίρεσαι το καλοκαίρ’
και ό,τι σύρ’ το ψ̌όπο σ’

Τα γαλανά νερά τ’ εσά
και τ’ έμνοστα φαΐα 
Τούζλα, για παραθέριση
είσαι σην κοινωνία

Γλωσσάρι

Κείμενο	Επεξήγηση	Ετυμ. Ρίζα
αλλά͜εις	αλλάζεις
δεβάτε	πηγαίνετε
έμνοστα	νόστιμα
έν’	είναι
εσά	δικά σου/σας
ευτάμε	κάνουμε, φτιάχνουμε	εὐθειάζω
ευτάτε	κάνετε, φτιάχνετε	εὐθειάζω
θέλτς	θέλεις
κάθαν	κάθε
λάσκουστουν	περιφέρεστε τριγυρνάτε, περιπλανιέστε	ἀλάομαι/ηλάσκω
μουχαπέτ’	κουβέντα, φιλική συνομιλία, συνεκδ. φιλική συνεστίαση (συνήθως μετά μουσικής)	muhabbet/maḥabbet
ξαν	πάλι, ξανά
όλια	όλα
ολίγον	λίγο
ολίτσ̌ικα	λιγοστά
οσπίτ’	σπίτι	hospitium<hospes
παιδία	παιδιά
παράδες	λεφτά, χρήματα	para/pāre
πίνομε	πίνουμε
σουμά	κοντά
σύρ’	σύρω/ει, τραβάω/ει, ρίχνω/ει
τρώγομε	τρώμε
φαΐα	φαγητά
φαμέλια	οικογένεια	familia
φέρον	(προστ.) φέρε
χ̌αίρουστουν	χαίρεστε
ψ̌όπο	ψυχούλα