Παρέβγαλμαν

Προβολή Τραγουδιού

Τραγούδια του Πόντου | Ηχογραφήσεις του 1930 (Αρχείο Μέλπως Μερλιέ)

expand_content

Νασάν που ξενιτεύκεται,
νασάν που πάει σην Πόλην!
Πάνε και παρεβγάλλ’νε͜ ατον
οι γειτονάδες όλοι

Μαέρεψον το σύζωμαν
και βάλ’ απάν’ τ’ ελάδι
Πουλί μ’, εμείς εχπάσταμε
αρ’ τ’ άλλον την Τετράδην

Χαρέστεν τον καιρόν εσουν
παραμικρά πουλία
Νασάν που ζει και κλώσ̌κεται
ν’ ελέπ’ σας αλλομίαν

Η ξενιτειά κι ο θάνατον
τα δύο έναν ’κ’ είναι
Εγνέφ’σα¹ και -ν- ετέρεσα
η ξενιτειά βαρύν είναι

Γλωσσάρι

Κείμενο	Επεξήγηση	Ετυμ. Ρίζα
αλλομίαν	άλλη μια φορά
απάν’	πάνω
εγνέφ’σα	ξύπνησα
ελέπ’	βλέπει/βλέπω
εσουν	σας
ετέρεσα	κοίταξα
εχπάσταμε	αναχωρήσαμε, κινήσαμε για
θάνατον	θάνατος
’κ’	δεν	οὐκί<οὐχί
κλώσ̌κεται	γυρίζει, επιστρέφει
μαέρεψον	(προστ.) μαγείρεψε
νασάν	χαρά σε
ξενιτεύκεται	ξενιτεύεται
παραμικρά	πολύ μικρά
παρεβγάλλ’νε	ξεπροβοδίζουν
σύζωμαν	φασολάδα
Τετράδην	Τετάρτη
χαρέστεν	(προστ.) χαρείτε

Σημειώσεις

¹ Δυσκολοκατάληπτο