Προβολή Τραγουδιού

Για τ’ εσέναν Αρμέν’ κουτάβ’

Τραγούδια του Πόντου | Ηχογραφήσεις του 1930

[Και] Για τ’ εσέναν, Αρμέν’ κουτάβ’,
[Και] θα ρούζω ας σην υεία μ’
[Και] Καρφούν’ντανε τα λόγια σ’
[Και] σ’ έρημον την καρδία μ’

[Και -ν-] Αν αποθάνω θάψτε με
[Και -ν-] αφκά σο παθινόπον
[Και -ν-] Ας ελέπω την τρυγόνα μ’
[Και] πώς αλμέ͜ει το χτηνόπον!

Γλωσσάρι

Κείμενο	Επεξήγηση	Ετυμ. Ρίζα	Προέλευση
αλμέ͜ει	αρμέγει
αποθάνω	πεθαίνω
αφκά	κάτω
ελέπω	βλέπω
καρφούν’ντανε	καρφώνονται
παθινόπον	παχνί
ρούζω	πέφτω, ρίπτω
τρυγόνα	το πουλί τρυγόνι, χαϊδευτική προσφώνηση γυναίκας
υεία	υγεία

Σημειώσεις

Μη τραγουδισμένο εδώ

Εγούρεψαμε τον χορόν
με κάμποσα παιδία
Έσ̌κισεν κι έρθεν εύρε με
τ’ εγάπης η λαλία

Ομμάτι͜α κι ομματόφρυδα
κι ο πρόσωπο σ’ αλώνι
Ατό τ’ εσόν το τέρεμα
άνθρωπον παλαλώνει