Πατούλα

Προβολή Τραγουδιού

Ε! παιδία ντό λέτε;
Πάμε ση χαμαιλέτεν;
Κλέφτουμε έναν κορίτσ’,
καν’νάν τιδέν μη λέτε

Ακεί πέραν έστεκεν,
την κάλτσαν ατ’ς έπλεκεν
Είπ’ ατεν «έλ’ αδακά,
η καρδία μ’ να γελά»

Τη Πατούλας η μάνα,
τ’ εμόν η καλομάνα
Κι αν ’κι δί’τε μ’ ατένα
φυγαδι͜άζομ’ ατένα

Η πιπιλομμάταινα,
ούι! αναθεμ’ ατένα
Κι αν ’κι δί’τε μ’ ατένα
φυγαδι͜άζομ’ ατένα

Γλωσσάρι

Κείμενο	Επεξήγηση	Ετυμ. Ρίζα
αδακά	εδώ κόντα
ακεί	εκεί
ατεν	αυτήν
ατένα	αυτήν
ατ’ς	αυτής, της
δί’τε	δίνετε
εμόν	δικός/ή/ό μου	ἐμοῦ
καλομάνα	γιαγιά
καν’νάν	κανέναν
’κι	δεν	οὐκί<οὐχί
παιδία	παιδιά
πιπιλομμάταινα	αυτή που έχει μάτια μικρά σαν πιπίλια=κουκούτσια
τιδέν	τίποτα
φυγαδι͜άζομ’	φυγαδεύουμε
χαμαιλέτεν	νερόμυλο