Η τρυγόνα

Ακεί πέρα σ’ ορμανόπον
[Η τρυγόνα, η τρυγόνα]
έστεκεν κι εποίν’νεν ξύλα ⇋
[Η τρυγόνα, η κορώνα]

Τα ξύλα τ’ς έταν οξέας,
[η τρυγόνα, η τρυγόνα]
κι ο άντρας ατ’ς έτον μυξέας ⇋
[η τρυγόνα, η κορώνα]

Πορπατεί και πάει ομάλια
[η τρυγόνα, η τρυγόνα]
τ’ ορταρόπα τ’ς αρνομάλλια ⇋
[η τρυγόνα, η κορώνα]

Πορπατεί και πάει τίκια
[η τρυγόνα, η τρυγόνα]
τ’ ορταρόπα τ’ς είν’ τιφτίκια ⇋
[η τρυγόνα, η κορώνα]

Η τρυγόνα με τ’ αντζία
[η τρυγόνα, η τρυγόνα]
πάει σ’ ορμάν’ σερεύ’ τσατσία
[η τρυγόνα, η κορώνα] ⇋