Άλλο ’κι αναμένω γράμμα

Προβολή Τραγουδιού

Ποντιακοί σεβντάδες - Τέρε με, κόρ’, τέρε με

Συνθέτες: Γιώργος Ακριβόπουλος, Λάκης Τσόλης

Καλλιτέχνες: Γιώργος Ακριβόπουλος, Μάκης Γραντζίδης

Άλλο ’κι αναμένω γράμμαν
ας σ’ αδέλφι͜α μ’ κι ας ση μάνα μ’
Ορφανία, ξενιτεία,
κρού’νε με τα δύο, μίαν

Ουρανόν από ψηλά, μάνα μ’,
ατός πα ελέπ’ το δράμα μ’
Λες κι εποίκα συμφωνία
να μαζεύκουν όλι͜α μίαν

Έτρωε με αροθυμία
σ’ οσπίτι μ’ να κλώσκουμ’ μίαν
Ατώρα τίναν θ’ ελέπω;
Μάνα κι αδελφόν πα ’κ’ έχω!

Γλωσσάρι

Κείμενο	Επεξήγηση	Ετυμ. Ρίζα
αροθυμία	νοσταλγία
ας σ’	(ας σου) από του, από τότε που/αφότου, (ας σο) από το/τα
ατός	αυτός
ατώρα	τώρα
ελέπ’	βλέπει/βλέπω
ελέπω	βλέπω
εποίκα	έκανα, έφτιαξα	ποιέω-ῶ
έτρωε	έτρωγε
’κ’	δεν	οὐκί<οὐχί
’κι	δεν	οὐκί<οὐχί
κλώσκουμ’	γυρίζουμε, επιστρέφουμε
κρού’νε	χτυπούν	κρούω
μαζεύκουν	μαζεύονται
μίαν	μια φορά
ορφανία	ορφάνια
οσπίτι	σπίτι	hospitium<hospes
πα	πάλι, επίσης, ακόμα
τίναν	ποιον/α