ΠΑΟΚ πρωταθλητής

Προβολή Τραγουδιού

Ο ΠΑΟΚ έν’ τ’ εμέτερον,
ποντιακόν ομάδαν
Έφερεν το πρωτάθλημα
ση Βόρειον Ελλάδαν

Ακούστεν τα ονόματα
κι εσείς δώστεν -ε- βάση
Ατείν’ ’κι παίζ’νε τον «Ποπάν»,
ούτε και το «Θανάση»

Παντέλης έν’ εγγύηση
αφκά κέσ’ σα δοκάρι͜α
Τσουρέλας και Δαμανάκης
τρανά είν’ παλληκάρι͜α

Ιωσηφίδης και Σίγγας
τρέχ’νε άμον θερία
Κανείς ’κι γιανασ̌εύ’ ατ’ς -ε-
τσακών’νε τα γναφία

Κούδα, Μπανιώτη και Ψαρρά
κι εσύ Αλεξανδρίδη,
εσείς εδέκετεν φτερά
και σον Καρασαββίδη

Κωστίκο και Αλαβάντα,
νασάν τη μάνα π’ έ͜ει σας
Η Εθνική τ’ εμέτερον
τρανόν ανάγκην έ͜ει σας

Αούτος ο Δημόπουλον
σύρ’ τα φωτοβολίδας
Σκαρτάδον κι ο Βασιλάκον
σ’κών’ν’ απάν’ τα κερκίδας

Ο Σκότσικ ο προπονητής
ατός πολλά κατέχει
Πρέπ’ να έν’ υπερήφανος
για την ομάδα π’ έχει

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
αούτος	αυτός
απάν’	πάνω
ατείν’	αυτοί
ατός	αυτός
ατ’ς	αυτής, της
αφκά	κάτω
γιανασ̌εύ’	πλησιάζω/ει, πλευρίζει	yanaşmak
γναφία	(κυρ) οι γνάθοι, (μτφ) το πρόσωπο συνολικά
έ͜ει	έχει
είν’	(για πληθ.) είναι
εμέτερον	δικός/ή/ό μου	ἡμέτερος
έν’	είναι
θερία	θεριά, θηρία
κέσ’	προς τα εκεί, προς το μέρος εκείνο	κέσου<κεῖσ’<κεῖσε<ἐκεῖσε
’κι	δεν	οὐκί<οὐχί
νασάν	χαρά σε
παίζ’νε	παίζουν
πολλά	(επίθ.) πολλά, (επίρρ.) πολύ
ποπάν	παπά
πρέπ’	ταιριάζει/ω
σ’κών’ν’	σηκώνουν
σύρ’	σύρω/ει, τραβάω/ει, ρίχνω/ει
τρανά	μεγάλα
τρέχ’νε	τρέχουν
τσακών’νε	σπάνε, θραύουν, τσακίζουν