Εγώ εδέκα σε την ψη μ’

Προβολή Τραγουδιού

Απ’ εμπροστά μ’ δα̤βαίντς και πας
κι άλλον κρατείς σο γιάνι σ’
Ελέπω σε και καίγουμαι,
αρνί μ’, ας ση σεβντάν ι-σ’

Απ’ εμπροστά μ’ δα̤βαίντς και πας
κι εμέν ξάι ’κι τερείς με
Εγώ -ν- εδέκα σε την ψ̌ην,
εσύ τον πόνον δί’ς με

Απ’ εμπροστά μ’ δα̤βαίντς και πας,
το γέλος ι-σ’ ακούω
Ακού(γ)ω και την καλατσ̌ή σ’
και το κιφάλι μ’ κρούγω

Γλωσσάρι

Κείμενο	Επεξήγηση	Ετυμ. Ρίζα
γέλος	γέλιο, περίγελος
γιάνι	πλάι, πλευρό	yan
δα̤βαίντς	(για τόπο) περνάς, διασχίζεις, (για χρόνο) περνάς	διαβαίνω
δί’ς	δίνεις
εδέκα	έδωσα
ελέπω	βλέπω
εμπροστά	μπροστά, πρωτύτερα
καίγουμαι	καίομαι
καλατσ̌ή	ομιλία, συνομιλία, συζήτηση	keleci=καλός λόγος (Παλαιά Τουρκική Ανατολίας)
’κι	δεν	οὐκί<οὐχί
κιφάλι	κεφάλι
κρατείς	κρατάς
κρούγω	χτυπώ	κρούω
ξάι	καθόλου
σεβντάν	αγάπη, έρωτα	sevda/sevdā
τερείς	κοιτάς
ψ̌ην	ψυχή

Προβολή Τραγουδιού

Εγώ εδέκα σε την ψ̌η μ’