Προβολή Τραγουδιού
Εκάεν και το Τσ̌άμπασ̌ιν |
Αφιέρωμα στον ΠόντοΣτιχουργοί: Παραδοσιακό
Συνθέτες: Παραδοσιακό
Καλλιτέχνες: Βέφα Μιχαηλίδου, Γιάννης Φλωρινιώτης, Τάκης Ιωαννίδης
Εκάεν και το Τσ̌άμπασ̌ιν κι επέμ’ναν τα τουβάρι͜α [γιαρ, γιαρ, αμάν] [Και -ν-] Ερρούξαν σο γουρτάρεμαν τ’ Ορτούς τα παλληκάρι͜α [κομμενόχρονον!] Και -ν- εκάεν κι εμανίεν τ’ Ορτούς το παρχάρ’ Και -ν- εκεί, τιδέν ’κ’ επέμ’νεν, μανάχον σαχτάρ’ Όλ’ κλαίγ’νε κι όλ’ αγληγορούν πράματα να μαζεύ’νε [γιαρ, γιαρ, αμάν] Βαρκίζ’νε και παρακαλούν όλα̤ για να ευκαιρών’νε [κομμενόχρονον!] Και -ν- εκάεν κι εμανίεν τ’ Ορτούς το παρχάρ’ Και -ν- εκεί, τιδέν ’κ’ επέμ’νεν, μανάχον σαχτάρ’ Τρανόν γιαγκ̂ούν σο Τσ̌άμπασ̌ιν, ’σπίτα̤ ’κι θ’ απομέν’νε [γιαρ, γιαρ, αμάν] Τρανοί, μικροί, φτωχοί, ζεγκίν’, όλ’ κάθουνταν και κλαίγ’νε [κομμενόχρονον!] Haydı, haydı, gidelim bizim odaya¹ Θα σε πάρω και θα φύγω, μα την Παναγιά! Εκάεν και το Τσ̌άμπασ̌ιν, γιάβρουμ, τιδέν ’κ’ επέμ’νεν [γιαρ, γιαρ, αμάν] Ραχ̌ία και λιβαδόπα άλλο χορτάρ’ ’κι φέρ’νε [κομμενόχρονον!] Haydı, haydı, gidelim bizim odaya¹ Θα σε πάρω και θα φύγω, μα την Παναγιά! Haydı, haydı, gidelim bizim odaya¹ Θα σε πάρω και θα φύγω, μα την Παναγιά!
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| απομέν’νε | απομένουν | ||
| βαρκίζ’νε | κραυγάζουν, θρηνούν γοερά | ||
| γιάβρουμ | αγαπημένη μου, γιαβρί μου | yavrum | |
| γιαγκ̂ούν | φωτιά | yangın | |
| γιαρ | αγαπητός/ή/ό, αγάπη | yâr | |
| γουρτάρεμαν | σώσιμο, διάσωση | kurtarma | |
| εκάεν | κάηκε | ||
| εμανίεν | μαύρισε/μουντζουρώθηκε από την καπνιά, καταστράφηκε, κατακάηκε μέχρι καπνιάς | ||
| επέμ’ναν | απόμειναν | ||
| επέμ’νεν | απόμεινε | ||
| ερρούξαν | έπεσαν | ||
| ζεγκίν’ | πλούσιοι | zengin/sengīn | |
| ’κ’ | δεν | οὐκί<οὐχί | |
| κάθουνταν | κάθονται | ||
| ’κι | δεν | οὐκί<οὐχί | |
| κλαίγ’νε | κλαίνε | ||
| κομμενόχρονον | αυτό που είθε να του κοπούν τα χρόνια | ||
| λιβαδόπα | (υποκορ.) λιβάδια | ||
| μανάχον | (έναρθρο) μοναχός, μοναχό, (επίρρ) μόνο/μοναχά | ||
| όλ’ | όλοι/α | ||
| παρχάρ’ | ορεινός τόπος θερινής βοσκής | ||
| ραχ̌ία | ράχες, βουνά | ||
| σαχτάρ’ | στάχτη | στάχτη<στάζω | |
| ’σπίτα̤ | σπίτια | hospitium<hospes | |
| τιδέν | τίποτα | ||
| τουβάρι͜α | τοίχοι | duvar/dīvār | |
| Τσ̌άμπασ̌ιν | παρχάρι των Κοτυώρων του Πόντου (σημ. Ordu) στα ΝΑ της σημερινής επαρχίας Ορντού πολύ κοντά στα σύνορα με την επαρχία Κερασούντας | Çambaşı (κυρ. Πευκοκορφή) | |
| φέρ’νε | φέρνουν | ||
| χορτάρ’ | χορτάρι |
¹ Άντε, άντε, πάμε στο δωμάτιό μας!
