Έβγα οξ̌ωκά

Προβολή Τραγουδιού

30 χρόνια Ένωση Ποντίων Λαγκαδά και Περιχώρων

Καλλιτέχνες: Αχιλλέας Βασιλειάδης, Γιώτης Γαβριηλίδης, Θανάσης Στυλίδης

Ση μαχαλάς -ι σ’ τη στράταν,
πουλόπο μ’, πάντα στέκω
Έβγα οξ̌ωκά σ’ εξώπορτον
εσέναν ας ελέπω

Φραντάλα μ’, χάιτε ας πάμε!
Φραντάλα μ’ χάιτε ας πάμε!
Ση στράταν ένα σεβνταλούκ’
μερακλίν ας ευτάμε

Τη κεμεντζ̌ές ο γάιδαρον
φορτούται τρία κόρδας
Μεσανυχτί’ θα έρχουμαι
απόψ’ σ’ εσά τα πόρτας

Φραντάλα μ’ χάιτε ας πάμε!
Φραντάλα μ’ χάιτε ας πάμε!
Ση στράταν ένα σεβνταλούκ’
μερακλίν ας ευτάμε

Γλωσσάρι

Κείμενο	Επεξήγηση	Ετυμ. Ρίζα
έβγα	(προστ.) βγες
ελέπω	βλέπω
εξώπορτον	εξώπορτα
έρχουμαι	έρχομαι
εσά	δικά σου/σας
ευτάμε	κάνουμε, φτιάχνουμε	εὐθειάζω
κεμεντζ̌ές	λύρας	kemençe/kemānçe
κόρδας	χορδές
μαχαλάς	γειτονιάς	mahalle/maḥalle
μερακλίν	μερακλίδικο
μεσανυχτί’	την ώρα του μεσονυχτίου
οξ̌ωκά	έξω
πόρτας	(ονομ.πληθ.) πόρτες	porta
πουλόπο	πουλάκι
σεβνταλούκ’	έρωτας	sevdalık
φορτούται	φορτώνεται
φραντάλα	γυναίκα πρόσχαρη, πληθωρική γυναίκα
χάιτε	άντε	haydi<hay de (οθωμ.)