Ο Χάρον

Προβολή Τραγουδιού

Καλλιτέχνες: Γιώργος Ακριτίδης, Κωστίκας Κωνσταντινίδης, Μήτκας Ιακωβίδης

Ορφάνεψεν με -ν- ο Χάρον [αμάν! ούι αμάν!]
ας σον κύρ’ κι ας ση μάναν [ούι αμάν!]
Να παίρω το αίμαν οπίσ’ [αμάν! ούι αμάν!]
έχ’ ατο έναν τάμαν [ούι αμάν!]

Με το Χάρον θα παλεύω
μετ’ ατόν θα κρούω παίρω
Ο Χάρον με το σπαθίν
θα παίρ’ και τ’ εμόν την ψ̌ην

Φτερά θα φέρω και πετώ, [αμάν! ούι αμάν!]
σον ουρανόν θα βγαίνω [ούι αμάν!]
Θα πάω ’βρήκω τον Χαρόν, [αμάν! ούι αμάν!]
τη ζωήν ατ’ θα παίρω [ούι αμάν!]

Με το Χάρον θα παλεύω
μετ’ ατόν θα κρούω παίρω
Ο Χάρον με το σπαθίν
θα παίρ’ και τ’ εμόν την ψ̌ην

Κι όντες ευρήκω τον Χάρον [αμάν! ούι αμάν!]
μετ’ ατόν θα παλεύω [ούι αμάν!]
Θα κρούω ξεριζών’ ατον, [αμάν! ούι αμάν!]
το αίμαν ατ’ θα παίρω [ούι αμάν!]

Με το Χάρον θα παλεύω
μετ’ ατόν θα κρούω παίρω
Ο Χάρον με το σπαθίν
θα παίρ’ και τ’ εμόν την ψ̌ην

Γλωσσάρι

Κείμενο	Επεξήγηση	Ετυμ. Ρίζα
ας σον	απ’ τον	ασό σον (από τον)
’βρήκω	(ευρήκω) βρίσκω
εμόν	δικός/ή/ό μου	ἐμοῦ
ευρήκω	βρίσκω
κρούω	χτυπώ
κύρ’	πατέρα
μετ’	μαζί με (με αιτιατική), με (τρόπος)
όντες	όταν
οπίσ’	πίσω
παίρ’	παίρνω/ει
παίρω	παίρνω
ψ̌ην	ψυχή