Τερώ τα στράτας τα μακρά

Προβολή Τραγουδιού

Στιχουργοί: Γιάννης Συμεωνίδης, Παραδοσιακό

Τερώ τα στράτας τα μακρά,
λύγουμαι και δακρύζω
Πολλά παιδία έρχουνταν,
εσέν ’κι αντικρίζω

Έρχουμαι, μάνα μ’, έρχουμαι,
εγώ αδά σον χρόνον
Γιατί εμέν πα έφαεν
τη ξενιτει͜άς ο πόνον

Έναν μήναν κι έναν χρόνον
σύρω τη σεβντάς τον πόνον
Το κιφάλι μ’ σο μαξιλάρ’
κι ο νους ι-μ’ έν’ σον δρόμον

Πουλόπο μ’, αναμένω σε,
γουρπάν’ σ’ εσέν¹ η μάνα σ’!
Και το κορίτσ’ ντο αγαπάς
να ελέπ’ ατο αντάμα σ’

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
αντάμα	μαζί
γουρπάν’	θυσία	kurban/ḳurbān
ελέπ’	βλέπει/βλέπω
έν’	είναι
έρχουμαι	έρχομαι
έρχουνταν	έρχονται
έφαεν	έφαγε
’κι	δεν	οὐκί<οὐχί
κιφάλι	κεφάλι
λύγουμαι	λιώνω
μακρά	(επιρρ.) μακριά, (επιθ.) μακρινά, απομακρυσμένα
πα	πάλι, επίσης, ακόμα
παιδία	παιδιά
πολλά	(επίθ.) πολλά, (επίρρ.) πολύ
πουλόπο	πουλάκι
σεβντάς	αγάπης, έρωτα	sevda/sevdā
στράτας	(ονομ.) δρόμοι, (αιτ.) δρόμους
σύρω	σέρνω, τραβώ, ρίχνω
τερώ	κοιτώ

Σημειώσεις

¹ Ακούγεται να λέει «γουρπάν’ εσέν» αντί του ορθ. νοηματικά «γουρπάν’ σ’ εσέν»