Έκιτι πατρίδα

Προβολή Τραγουδιού

Καλλιτέχνες: Μαρία Αμανατίδου-Ευσταθιάδου, Στάθης Ευσταθιάδης

Έκιτι τόπι͜α έμορφα!
Παρχάρι͜α χ̌ιλο̤πλούμιστα
κεράσι͜α ζωγραφιμένα
και με τ’ άνθι͜α φορτωμένα
Και με τ’ άνθι͜α φορτωμένα
’μάραντα σκουντουλιγμένα

Δι͜αβαίν’νε χρόνι͜α και καιρούς
πάντα σον Πόντον πάει ο νους
Ρημαγμένα τα χωρία
εγκλεσίας και σχολεία
Τα σχολεία, τ’ εγκλεσίας
όλια ’ίν’νταν ιστορίας

Ας έμ’ πουλίν κι επέτανα
[Και -ν-] ας έμ’ αητέντς κι επέγ’να
Ας σον Εύξεινον τον Πόντον
[Και -ν-] έναν χαπέρ’ εφέρ’να

Γλωσσάρι

Κείμενο	Επεξήγηση	Ετυμ. Ρίζα
αητέντς	αητός
άνθι͜α	άνθη
δι͜αβαίν’νε	(για τόπο) περνούν, διασχίζουν, (για χρόνο) περνούν (γενικότερα) περνούν, παύουν, τελειώνουν	διαβαίνω
εγκλεσίας	(γεν. τη) εκκλησίας, (ονομ./αιτ., πληθ., τα) εκκλησιές
έκιτι	έκφραση αναπόλησης που υποδηλώνει νοσταλγία για κάτι παρελθοντικό	hey gidi
έμ’	ήμουν
έμορφα	όμορφα
επέγ’να	πήγαινα
επέτανα	πετούσα
’ίν’νταν	γίνονται
’μάραντα	(επιστ. Helichrysum stoechas) τα αγριολούλουδα ελίχρυσος ο πολύτιμος
όλια	όλα
παρχάρι͜α	ορεινοί τόποι θερινής βοσκής
σκουντουλιγμένα	ευωδιαστά, μοσχοβολιστά
τόπι͜α	τόποι, μέρη
χαπέρ’	είδηση, νέο	haber/ḫaber
χωρία	χωριά