Έκιτι Αϊβάζ’

Αϊβάζ’, τη χαράς το σ̌ολίκ’,
τη χαραής [και] τ’ αηδόνι [γιαρ/νέι]
[Έκιτι Αϊβάζ’!]
Τον Χάρον πώς επέντεσες
απάν’ σο σταυροδρόμι; [γιαρ]
[Έκιτι Αϊβάζ’!]

Σην Παλάφσ̌αν¹ εβρόντεσεν,
σο Δερβέν’ χαλαρδίαν [γιαρ/νέι]
[Έκιτι Αϊβάζ’!]
Αϊβάζ’, μοιρολογούνε σε
τη Θεού τα πουλία [γιαρ/νέι]
[Έκιτι Αϊβάζ’!]

Αγγέλ’ ’ξέβαν’ σην απαντή σ’
θα φέρ’νε σε [και] τη λύρα σ’ [γιαρ]
[Έκιτι Αϊβάζ’!]
Εσύ θα παί͜εις και τραγωδείς,
εκείν’ θα κλαίν’ [και] τη μοίρα σ’ [γιαρ]
[Έκιτι Αϊβάζ’! / Άμαν τα γιάβρουμ!]
Αγγέλ’ θα κλαίν’ [και] τη μοίρα σ’ [γιαρ]