Τη ήλ’ το φως

Προβολή Τραγουδιού

Καλλιτέχνες: The RoseBand

Τη ήλ’ το φως έχ̌’ κι έρχεται
και τσ̌ιτσ̌ακών’ το χώμαν
Χωρίς εσέν σο καρδόπο μ’
έν’ χ̌ειμωγκόντς ακόμαν

Ήλε μ’, πέει με -ν- όντες εβγαίντς
τίναν καλοκαιρίζεις
κι εμέν σίτι͜α γελώ κλαινί͜εις
και ’κι χαρεντερίζεις;

Εσείς λίβι͜α του ουρανού
απέσ’ σην ψ̌η μ’ τερέστεν
Κι απάν’ ση γην με δα̤κρόπα
ντ’ ελέπετεν γραψέστεν

Ας γαληνεύ’ ο ουρανόν
κι ας ησυχάζ’νε τ’ άστρα
Κι ας χ̌αίρεται ο βραδι͜ανόν
εσέναν ντ’ εγκαλιάστα

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
απέσ’	μέσα
βραδι͜ανόν	το βράδυ
δα̤κρόπα	(υποκορ.) δάκρυα
εβγαίντς	βγαίνεις
εγκαλιάστα	αγκάλιασα
ελέπετεν	βλέπετε
έν’	είναι
έχ̌’	έχει
ήλ’	ήλιου
καρδόπο	καρδούλα
’κι	δεν	οὐκί<οὐχί
κλαινί͜εις	κάνεις κάποιον να κλάψει, στενοχωρείς
λίβι͜α	σύννεφα	λίβος<λείβω
όντες	όταν
πέει	(προστ.) πες
σίτι͜α	καθώς, ενώ	σόταν<εις όταν
τερέστεν	(προστ.) κοιτάξτε
τίναν	ποιον/α
τσ̌ιτσ̌ακών’	ανθοφορεί	çiçek
χ̌ειμωγκόντς	χειμώνας
ψ̌η	ψυχή