Προβολή Τραγουδιού
Ρομάνα |
Ποντοπόροι | ΡωμάναΣτιχουργοί: Παραδοσιακό
Συνθέτες: Παραδοσιακό
Καλλιτέχνες: Παντελής Στόικος, Ποντοπόροι
Ρομάνα επαρχάρευεν Κουντούρ’ σα Λιβαδία Σου Μίρη και σου Κοβλακά και σ’ Άσπρα τα Πλακία Ρομάνα, ξαν Ρομάνα και τη παρχαρί’ η μάνα Τιδέν ’κι φοβερίζ’ α̤τεν απέσ’ σ’ άγρι͜α τ’ ορμάνι͜α Σεράντα χτήνι͜α ωρίαζεν, σεράντα αλμεγάδι͜α άλλ’ ατόσα πα ωρίαζεν μουσκάρι͜α άμον ζουρκάδι͜α Ρομάνα, ξαν Ρομάνα και τη παρχαρί’ η μάνα Τιδέν ’κι φοβερίζ’ α̤τεν απέσ’ σ’ άγρι͜α τ’ ορμάνι͜α Η δείσα εκάτσεν σα ραχ̌ι͜ά, θολούνταν τα παρχάρι͜α Ρομάνα μ’, άλλο ’κ’ είδα σε, εχάσα και τ’ ιχνάρι͜α Ρομάνα, ξαν Ρομάνα και τη παρχαρί’ η μάνα Τιδέν ’κι φοβερίζ’ α̤τεν απέσ’ σ’ άγρι͜α τ’ ορμάνι͜α
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αλμεγάδι͜α | τα πρόσφορα για άρμεγμα ζώα | ||
| άμον | σαν, όπως, καθώς | ἅμα | |
| απέσ’ | μέσα | ||
| α̤τεν | αυτήν | ||
| δείσα | ομίχλη | δεῖσα=υγρασία, λάσπη, βρωμιά | |
| εκάτσεν | κάθισε | ||
| επαρχάρευεν | παραθερίζε σε ορεινό θερινό βοσκότοπο | ||
| εχάσα | έχασα | ||
| ζουρκάδι͜α | ζαρκάδια | ||
| θολούνταν | θολώνουν | ||
| ιχνάρι͜α | χνάρια, ίχνη | ||
| ’κ’ | δεν | οὐκί<οὐχί | |
| ’κι | δεν | οὐκί<οὐχί | |
| Κουντούρ’ | Φλεβάρη | ||
| μουσκάρι͜α | μοσχάρια | ||
| ξαν | πάλι, ξανά | ||
| ορμάνι͜α | δάση | orman | |
| πα | πάλι, επίσης, ακόμα | ||
| παρχαρί’ | θερινού βοσκότοπου (παρχαριού) | ||
| παρχάρι͜α | ορεινοί τόποι θερινής βοσκής | ||
| ραχ̌ι͜ά | ράχες, βουνά | ||
| ρομάνα | παρχαρομάνα, γυναίκα επιφορτισμένη με την επιμέλεια των ζώων και άλλες γαλακτοκομικές εργασίες στο παρχάρι (θερινό βοσκοτόπι) | ||
| σεράντα | σαράντα | ||
| τιδέν | τίποτα | ||
| χτήνι͜α | αγελάδες | ||
| ωρίαζεν | πρόσεχε, φύλαγε, επέβλεπε |
