Κατήβα σο πεγαδόπον

Έβγα οξ̌ωκά ας ελέπω σε,
[τσ̌άνουμ γιαρ]
αρ’ έμπα απέσ’ και κλείδα [λέγω]
Αν ερωτά σε η μάνα σ’
[τσ̌άνουμ γιαρ]
πέ’ ατεν «καν’νάν ’κ’ είδα» [λέγω]

Τσ̌άνουμ, τσ̌άνουμ, νε κορτσόπον, [λέγω]
κατήβα σο πεγαδόπον [λέγω]
Φέρον με έναν κρύον νερόπον
ας σο τσ̌αμουρένιον το τεστόπον [λέγω]
για τ’ εμόν το χατιρόπον [λέγω]

Εσύ έ͜εις τ’ ήλ’ τα κόκκινα,
[τσ̌άνουμ γιαρ]
τη φέγγονος τ’ ασπρότας [λέγω]
Πέει τη μάνα σ’ και τον κύρη σ’
[τσ̌άνουμ γιαρ]
ας ασπαλούν τα πόρτας [λέγω]

Τσ̌άνουμ, τσ̌άνουμ, νε κορτσόπον, [λέγω]
κατήβα σο πεγαδόπον [λέγω]
Φέρον με έναν κρύον νερόπον
ας σο τσ̌αμουρένιον το τεστόπον [λέγω]
για τ’ εμόν το χατιρόπον [λέγω]

Έναν πουλόπον έχ̌’ κι έρ’ται
[τσ̌άνουμ γιαρ]
με τον κελαηδημόν -ι [λέγω]
Τ’ ομμάτι͜α ’θ’ είναι πλουμιστά,
[τσ̌άνουμ γιαρ]
να έτονε τ’ εμόν -ι! [λέγω]

Τσ̌άνουμ, τσ̌άνουμ, νε κορτσόπον, [λέγω]
κατήβα σο πεγαδόπον [λέγω]
Φέρον με έναν κρύον νερόπον
ας σο τσ̌αμουρένιον το τεστόπον [λέγω]
για τ’ εμόν το χατιρόπον [λέγω]