Θειίτσα μ’, ποδεδίζω σε

Προβολή Τραγουδιού

Καλλιτέχνες: Γιώργος Αμαραντίδης, Λιζέτα Νικολάου

Έναν κορτσόπον αγαπώ
έν’ πολλά φωταγμένον
[ξαν αρ’, γιαρ αμάν/όι, όι, όι αμάν]
Απάν’ σο δαχτυλίδ’ν αθε
τ’ όνομα μ’ έν’ γραμμένον
[ξαν αρ’, γιαρ αμάν/όι, όι, όι αμάν]

Θειίτσα μ’, ποδεδίζω σε,
άψον το φενερόπο σ’
Έρθαμε για να παίρομε
τ’ έμορφον το κορτσόπο σ’

Εσύ, κορτσόπον έμορφον,
τ’ εμόν η κάλη είσαι
[ξαν αρ’, γιαρ αμάν/όι, όι, όι αμάν]
Γουρπάν’ σ’ οσπίτ’ ντ’ εμπαίντς κι εβγαίντς
ση κάμαραν ντο κείσαι
[ξαν αρ’, γιαρ αμάν/όι, όι, όι αμάν]

Θειίτσα μ’, ποδεδίζω σε,
άψον το φενερόπο σ’
Έρθαμε για να παίρομε
τ’ έμορφον το κορτσόπο σ’

Καλά ’ποίκα κι εγάπεσα
τη μαχαλάς κορτσόπον
[ξαν αρ’, γιαρ αμάν/όι, όι, όι αμάν]
Εμπαίν’, εβγαίν’, ελέπ’ ατο
και χ̌αίρεται το ψ̌όπο μ’
[ξαν αρ’, γιαρ αμάν/όι, όι, όι αμάν]

Θειίτσα μ’, ποδεδίζω σε,
άψον το φενερόπο σ’
Έρθαμε για να παίρομε
τ’ έμορφον το κορτσόπο σ’

Γλωσσάρι

Κείμενο	Επεξήγηση	Ετυμ. Ρίζα
αθε	του/της
απάν’	πάνω
άψον	(προστ.) άναψε
γιαρ	αγαπητός/ή/ό, αγάπη	yâr
γουρπάν’	θυσία	kurban/ḳurbān
εβγαίν’	βγαίνει
εβγαίντς	βγαίνεις
εγάπεσα	αγάπησα
ελέπ’	βλέπει/βλέπω
εμόν	δικός/ή/ό μου	ἐμοῦ
έμορφον	όμορφο
εμπαίν’	μπαίνει
εμπαίντς	μπαίνεις
έν’	είναι
έρθαμε	ήρθαμε
κάλη	η αγαπητή σύζυγος, η σύζυγος
κείσαι	κείτεσαι, ξαπλώνεις
κορτσόπο	κοριτσάκι
κορτσόπον	κοριτσάκι
μαχαλάς	γειτονιάς	mahalle/maḥalle
ξαν	πάλι, ξανά
οσπίτ’	σπίτι	hospitium<hospes
παίρομε	παίρνουμε
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
’ποίκα	(εποίκα) έκανα, έφτιαξα	ποιέω-ῶ
πολλά	(επίθ.) πολλά, (επίρρ.) πολύ
φενερόπο	φανάρι
φωταγμένον	φωτισμένο, λαμπερό
ψ̌όπο	ψυχούλα