Θα πάω σ’ έναν έρημον

Προβολή Τραγουδιού

Θα πάω [πουλί μ’/γιάβρι μ’] σ’ έναν έρημον
τον Χάρον [πουλί μ’] ν’ ανταμώνω
Να λέγ’ ατον [πουλί μ’/γιάβρι μ’] τα τερτόπα μ’
την ψ̌η μ’ [πουλί μ’] να ξελαφρώνω

Θα πάω [πουλί μ’/γιάβρι μ’] σ’ έναν έρημον,
σ’ έναν [πουλί μ’] ισίζ’κον τόπον
Όθεν [πουλί μ’/γιάβρι μ’] ’κι κελαηδεί πουλίν,
όθεν ’κι πάει [πουλί μ’] λαλόπον

Αγούτο και τ’ εμόν η καρδι͜ά
και ντο πολλά [πουλί μ’]  -ν- εκάεν!
Άμον [και -ν-] έναν ψηλόν ραχ̌ίν
χ̌ιονόπον [πουλί μ’] εσ̌κεπάεν

Γλωσσάρι

Κείμενο	Επεξήγηση	Ετυμ. Ρίζα
αγούτο	αυτό/ή
άμον	σαν, όπως, καθώς	ἅμα
γιάβρι	μωρό, μικρό, παιδί	yavru
εκάεν	κάηκε
εμόν	δικός/ή/ό μου	ἐμοῦ
εσ̌κεπάεν	σκεπάστηκε
ισίζ’κον	ερημικό, απομονωμένο	ıssız
’κι	δεν	οὐκί<οὐχί
λαλόπον	λαλιά, φωνή
όθεν	όπου, οπουδήποτε, σε όποιον
πολλά	(επίθ.) πολλά, (επίρρ.) πολύ
ραχ̌ίν	βουνό, ράχη
τερτόπα	(υποκορ.) καημοί, βάσανα, στενοχώριες	dert
χ̌ιονόπον	χιονάκι
ψ̌η	ψυχή