Πατέρα, πάντα έλεες

Προβολή Τραγουδιού

Καλλιτέχνες: Ευστάθιος Σελεμίδης, Σταύρος Σελεμίδης

Πατέρα, εσύ ετράνυνες
με πόνον τα παιδία σ’ [γιαρ]
Εφέκανε σε κι έφυγαν
(κι) εκάεν η καρδία σ’ [γιαρ]

Πατέρα, πάντα έλεες
«Γιαβρί μ’, μη πας σα ξένα [γιαρ]
Πώς θα αφήντς τη μανίτσα σ’,
τον γέρον τον πατέρα σ’;» [γιαρ]

Πατέρα, ’κι ανασπάλλ’ ατα
τ’ εσά τα τραγωδίας [γιαρ]
Ετραγώδ’νες και -ν- έλεες
«παιδί μ’, να έ͜εις την υεία σ’» [γιαρ]

Πατέρα, έρθα σ’ οσπιτόπο σ’,
τα πόρτας κλειδωμένα [γιαρ]
Ολόερα σην αύλι͜α σου
χορτάρι͜α φυτρωμένα [γιαρ]

Πατέρα, έρθα σο ταφί σ’
ν’ άφτω έναν κερόπον [γιαρ]
Δύο λόγια -ν- ας έλεες
να ησυχάζ’ το ψ̌όπο μ’ [γιαρ]

Γλωσσάρι

Κείμενο	Επεξήγηση	Ετυμ. Ρίζα
ανασπάλλ’	ξεχνάω/ει
ατα	αυτά
αύλι͜α	αυλή
αφήντς	αφήνεις
άφτω	ανάβω
γιαβρί	μωρό, μικρό, παιδί	yavru
γιαρ	αγαπητός/ή/ό, αγάπη	yâr
έ͜εις	έχεις
εκάεν	κάηκε
έλεες	έλεγες
έρθα	ήρθα
εσά	δικά σου/σας
ετραγώδ’νες	τραγουδούσες
ετράνυνες	μεγάλωσες, ανατράφηκες	τρανόω-ῶ
εφέκανε	άφησαν
κερόπον	κεράκι
’κι	δεν	οὐκί<οὐχί
ολόερα	ολόγυρα
οσπιτόπο	σπιτάκι	hospitium<hospes + -όπον
παιδία	παιδιά
πόρτας	(ονομ.πληθ.) πόρτες	porta
ταφί	τάφο
τραγωδίας	τραγούδια
υεία	υγεία
ψ̌όπο	ψυχούλα