Ημέρα τη Σταυρί’ έτον

Προβολή Τραγουδιού

Καλλιτέχνες: Ευστάθιος Σελεμίδης, Μαγδαληνή Σελεμίδου, Σταύρος Σελεμίδης

Ημέρα τη Σταυρί’ έτον,
οι Πόντιοι εντάμαν
Ο Τάσον και Ονούφριον
εποίκαν έναν τάμαν

Σα χ̌έρι͜α τουν εκράτ’νανε
δεντρά για να φυτεύ’νε
Εντάμαν με την κεμεντζ̌έν
να τραγωδούν και λένε

Σταθίκον, παίξον κεμεντζ̌έν
και πέ’ έναν τραγωδίαν
Ν’ ακούν ατο και τα δεντρά,
ν’ ακούει κι η Παναΐα

Σην Παναΐαν Σουμελά
χρωστούμε έναν τάμαν
Εκεί ψηλά σ’ όρος Μελά
θα χ̌αίρουμες εντάμαν

Γλωσσάρι

Κείμενο	Επεξήγηση	Ετυμ. Ρίζα
εντάμαν	μαζί
εποίκαν	έκαναν, έφτιαξαν	ποιέω-ῶ
έτον	ήταν
κεμεντζ̌έν	λύρα	kemençe/kemānçe
παίξον	(προστ.) παίξε
Παναΐα	Παναγιά
πέ’	(προστ.) πες
τουν	τους
τραγωδίαν	τραγούδι
τραγωδούν	τραγουδάνε
φυτεύ’νε	φυτεύουν
χ̌αίρουμες	χαιρόμαστε