Σπαθιά, κοντάρια

Προβολή Τραγουδιού

Καλλιτέχνες: Ευστάθιος Σελεμίδης, Σταύρος Σελεμίδης

Σπαθιά, κοντάρι͜α σην αυλή σ’,
τρυγόνα μ’, για τ’ εμέναν [γιαρ]
και θα καταπατώ ατα
κι έρχουμαι μετ’ εσέναν [γιαρ]

Έρθα σ’ οσπίτι σ’ ’κ’ εύρα σε,
π’ εκλείδωσες κι εδέβες; [γιαρ]
Ατσ̌ά τίναν εγάπεσες
κι εμέναν επιδέβες; [γιαρ]

Τα στράτας ι-σ’ ωρίαζα,
κρύον επέρα, βέχω [γιαρ]
Για τ’ έναν ξερόν φίλεμαν
νύχταν-ήμεραν τρέχω [γιαρ]

Κόρη, η καρδι͜ά σ’ σίδερον,
εμέναν ’κι λυπάσαι [γιαρ]
Εμέν εστάλτσες σ’ άψιμον
ερρούξες και κοιμάσαι [γιαρ]

Γλωσσάρι

Κείμενο	Επεξήγηση	Ετυμ. Ρίζα
ατα	αυτά
ατσ̌ά	άραγε	acep/ʿaceb
άψιμον	φωτιά
βέχω	βήχω
γιαρ	αγαπητός/ή/ό, αγάπη	yâr
εγάπεσες	αγάπησες
εδέβες	πέρασες, έφυγες, διάβηκες	διαβαίνω
επέρα	πήρα
επιδέβες	έφυγες, άφησες πίσω, προσπέρασες, ξεπέρασες
έρθα	ήρθα
ερρούξες	έπεσες
έρχουμαι	έρχομαι
εστάλτσες	σταμάτησες, έστησες κάτι όρθιο, στήριξε, στερέωσες
εύρα	βρήκα, (ιδιωμ. προστ.) βρες
’κ’	δεν	οὐκί<οὐχί
’κι	δεν	οὐκί<οὐχί
μετ’	μαζί με (με αιτιατική), με (τρόπος)
οσπίτι	σπίτι	hospitium<hospes
στράτας	(ονομ.) δρόμοι, (αιτ.) δρόμους
τίναν	ποιον/α
τρυγόνα	το πουλί τρυγόνι, χαϊδευτική προσφώνηση γυναίκας
φίλεμαν	φιλί
ωρίαζα	πρόσεχα, φύλαγα, επέβλεπα