Τη Τραπεζούντας τα ραχιά

Προβολή Τραγουδιού

Καλλιτέχνες: Ευστάθιος Σελεμίδης, Σταύρος Σελεμίδης

Τη Τραπεζούντας τα ραχ̌ι͜ά [νέι]
και τ’ έρημα τ’ ορμία [νέι]
Εκείνα ετιζλάεψαν [νέι]
παλληκαρί’ κορμία [νέι]

Παλληκάρι͜α ανύπαντρα [νέι]
σον πόλεμον επήγαν [νέι]
Τα λείμψανα τουν τ’ άκλερα [νέι]
και σ’ έρημα ελύγαν [νέι]

Θεέ μ’, τον κόσμον έπλασες, [νέι]
τον πόλεμον ντ’ εποίν’νες; [νέι]
Εμάς αρ’ όλτς και τοι τσ̌αχάλτς [νέι]
και -ν- ορφανά ντ’ εφήν’νες; [νέι]

Γλωσσάρι

Κείμενο	Επεξήγηση	Ετυμ. Ρίζα
άκλερα	άκληρα, φτωχά, δυστυχή, ταλαίπωρα
ελύγαν	έλιωσαν
εποίν’νες	έκανες, έφτιαχνες	ποιέω-ῶ
ετιζλάεψαν	μπήκαν στην σειρά, αραδιάστηκαν	dizilemek
εφήν’νες	άφηνες
κορμία	κορμιά
όλτς	όλους
ορμία	ρυάκια, ρεματιές
παλληκαρί’	παλληκαριού	παλληκάριον<πάλληξ, πάλλαξ
ραχ̌ι͜ά	ράχες, βουνά
τοι	τους/τις
τουν	τους
τσ̌αχάλτς	άπειρος, ανώριμος, άβγαλτος	cahil/cāhil