Χαμόμηλον

Και ντ’ έπαθες χαμόμηλον
και στέκεις μαρεμένον; [γιαρ]
Γιάμ’ η ρίζα σ’ εδίψασεν;
Γιάμ’ ο καρπός ελλάεν; [γιαρ]
Γιάμ’ ας σα χαμελόκλαδα σ’
κανέναν εζαλίεν; [γιαρ]

Νι͜ά η ρίζα μ’ εδίψασεν,
νι͜ά ο καρπό μ’ ελλάεν [γιαρ]
Νι͜ά ας σα χαμελόκλαδα μ’
κανέναν εζαλίεν [γιαρ]

Ση ρίζα μ’ εφιλέθανε
αητός κι η περιστέρα [γιαρ]
Εποίκαν όρκον κι όμνυγμαν
να μ’ ευτάν’ χωρισίαν [γιαρ]

Ατώρα εχωρίγανε,
γιάμ’ έχω εγώ το κρίμαν; [γιαρ]