Προβολή Τραγουδιού
Όι! Νασάν εμέν, νασάν |
Σταύρος Σαββίδης LiveΣτιχουργοί: Βασίλης Μωυσιάδης
Συνθέτες: Κώστας Σιώπης
Καλλιτέχνες: Κώστας Σιώπης, Σταύρος Σαββίδης
Όι! νασάν εμέν, νασάν ♫ Ασ’ όλι͜α κι άλλο ψηλόν το κορτσόπον έν’ τ’ εμόν Προκομένον και καλόν έμορφον, μελαχρινόν Όι! νασάν εμέν, νασάν έχ’ ατο κρυφόν χαράν Π’ ατό εμέναν αγαπά και θα βάλ’ με και στεφάν’ Σο χορόν ατό τερούν και σο χ̌έρ’ν αθε κρατούν Για τ’ ατό καρδίας κρού’ν μα να λέγ’ν’ α’ ’κ’ επορούν Όι! νασάν εμέν, νασάν έχ’ ατο κρυφόν χαράν Π’ ατό εμέναν αγαπά και θα βάλ’ με και στεφάν’ Τ’ ομματόπα άν’ ’κι σ’κών’, σην καρδι͜ά μ’ μαχ̌αίρ’ καρφών’ Και η ψ̌η μ’ έρ’ται παγών’, τ’ εμόν το μελαχρινόν Όι! νασάν εμέν, νασάν έχ’ ατο κρυφόν χαράν Π’ ατό εμέναν αγαπά και θα βάλ’ με και στεφάν’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| α’ | (ατό) αυτό, το | ||
| αθε | του/της | ||
| άν’ | άνω, πάνω, άνωθεν | ||
| ασ’ | από | ||
| εμόν | δικός/ή/ό μου | ἐμοῦ | |
| έμορφον | όμορφο | ||
| έν’ | είναι | ||
| επορούν | μπορούν | ||
| έρ’ται | έρχεται | ||
| ’κ’ | δεν | οὐκί<οὐχί | |
| καρδίας | (τη, γεν.) καρδιάς, (τα, ονομ. πληθ.) καρδιές | ||
| ’κι | δεν | οὐκί<οὐχί | |
| κορτσόπον | κοριτσάκι | ||
| κρατούν | κρατάνε στο χέρι, βαστάνε, αντέχουν, συγκρατούν, διαρκούν | ||
| κρού’ν | χτυπούν | κρούω | |
| λέγ’ν’ | λένε | ||
| μαχ̌αίρ’ | μαχαίρι | ||
| νασάν | χαρά σε | ||
| ομματόπα | ματάκια | ||
| σ’κών’ | σηκώνω/ει | ||
| τερούν | κοιτούν | ||
| χ̌έρ’ν | χέρι | ||
| ψ̌η | ψυχή |
