Αφώτιστον καρδίαν

Προβολή Τραγουδιού

Καλλιτέχνες: Νίκος Σαββίδης, Παύλος Τσαβδαρίδης

Εξέβαν τ’ άστρα σο μεϊτάν
τον φέγγον αραεύ’νε
Ατός π’ εξέρ’ ας σην εγάπ’
εμένα δα̤σκαλεύ’ με

Αφώτιστον καρδίαν,
ντο είν’ ατά ντ’ ευτάς με;
Κρατείς με νύχτας άγνεφον
και λες ντο αγαπάς με

Τρώγω την ψ̌η σ’, μη τσ̌ιτσ̌εκώντς,
ζελεύω και ζαντύνω
Ας σα χ̌ειλόπα σ’ μαναχόν
εγώ το μέλ’ να πίνω

Αφώτιστον καρδίαν,
ντο είν’ ατά ντ’ ευτάς με;
Κρατείς με νύχτας άγνεφον
και λες ντο αγαπάς με

Κορδύλ’ θα δένω την καρδι͜ά μ’
ας ση σεβντά σ’ μη χάται
Άτσ̌απα ποίος άγγελος
σο γιάν’ ατ’ς πάει κοιμάται;

Αφώτιστον καρδίαν,
ντο είν’ ατά ντ’ ευτάς με;
Κρατείς με νύχτας άγνεφον
και λες ντο αγαπάς με

Αφώτιστον καρδίαν,
ντο είν’ ατά ντ’ ευτάς με;
Κρατείς με νύχτας άγνεφον
και λες ντο αγαπάς με

Κρατείς με νύχτας άγνεφον
και λες ντο αγαπάς με

Έφαες με!

Γλωσσάρι

Κείμενο	Επεξήγηση	Ετυμ. Ρίζα
άγνεφον	ξύπνιο
αραεύ’νε	ψάχνουν, αναζητούν, γυρεύουν	aramak
ας σα	απ’ τα	ασό σα (από τα)
ας σην	απ’ την	ασό σην (από την)
ατά	αυτά
ατός	αυτός
ατ’ς	αυτής, της
άτσ̌απα	άραγε, αναρωτιέμαι	acaba/ʿacebā
αφώτιστον	αυτός/ο που δεν έχει βαφτιστεί, πονηρός/ό, κακός/ό, (για λόγια και πράξεις) απρεπές, αξιοθαύμαστος/ο
γιάν’	πλάι, πλευρά	yan
εγάπ’	αγάπη
είν’	(για πληθ.) είναι
εξέβαν	βγήκαν
εξέρ’	ξέρω/ει, γνωρίζω/ει
ευτάς	κάνεις, φτιάχνεις	εὐθειάζω
έφαες	έφαγες
ζαντύνω	τρελαίνομαι	σάννας
ζελεύω	ζηλεύω
κορδύλ’	κόμπος	κορδύλη (=ρόπαλο, εξόγκωμα)
κρατείς	κρατάς
μαναχόν	(έναρθρο) μοναχός, μοναχό, (επίρρ) μόνο/μοναχά
μέλ’	μέλι
νύχτας	(ον.πληθ.,τα) νύχτες
ποίος	(ερωτημ.) ποιός, (αναφ.αντων.) όποιος
σεβντά	αγάπη, έρωτας	sevda/sevdā
φέγγον	φεγγάρι
χ̌ειλόπα	χειλάκια
χάται	χάνεται
ψ̌η	ψυχή