Προβολή Τραγουδιού
Όλιτσ̌κα |
ΣυναπάντεμανΣτιχουργοί: Νάκος Ευσταθιάδης
Συνθέτες: Αθανάσιος Τσολερίδης
Καλλιτέχνες: Στέλιος Καζαντζίδης, Χρήστος Χρυσανθόπουλος
Η Όλιτσ̌κα¹ ας σο Σοχούμ αλισ̌βερίσ̌’ εποίν’νεν και τη καρδίας το χρυσάφ’ έναν παρά εδίν’νεν Αχ! Όλιτσ̌κα¹ καημέντσα, πολλά τυραννισμέντσα Επούλτσες όλι͜α σο παζάρ’ κι επέμ’νες πεινασμέντσα Όλι͜α τ’ ασημοπότηρα τ’ς χαλία και σεντόνι͜α Εξέγκεν ατά σο παζάρ’ με δάκρυα και με πόνι͜α Αχ! Όλιτσ̌κα¹ καημέντσα, πολλά τυραννισμέντσα Επούλτσες όλι͜α σο παζάρ’ κι επέμ’νες πεινασμέντσα Έικιτι Όλιτσ̌κα¹! Επούλ’νεν τα εργόχειρα τ’ς τα λαμποκεντημένα Τα όνειρα τη Όλιτσ̌κας¹ επέγ̆’νανε χαμένα Αχ! Όλιτσ̌κα¹ καημέντσα, πολλά τυραννισμέντσα Επούλτσες όλι͜α σο παζάρ’ κι επέμ’νες πεινασμέντσα
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αλισ̌βερίσ̌’ | εμπόριο, συναλλαγή | alışveriş | |
| ατά | αυτά | ||
| εδίν’νεν | έδινε | ||
| έικιτι | έκφραση αναπόλησης που υποδηλώνει νοσταλγία για κάτι παρελθοντικό ή εκδήλωση συμπόνοιας για κάποιον | hey gidi | |
| εξέγκεν | έβγαλε | ||
| επέγ̆’νανε | πήγαιναν | ||
| επέμ’νες | απόμεινες | ||
| εποίν’νεν | έκανε, έφτιαχνε | ποιέω-ῶ | |
| επούλ’νεν | πουλούσε | ||
| επούλτσες | πούλησες | ||
| καημέντσα | καημένη | ||
| καρδίας | (τη, γεν.) καρδιάς, (τα, ονομ. πληθ.) καρδιές | ||
| παρά | λεφτά, το χρήμα | para/pāre | |
| πεινασμέντσα | πεινασμένη | ||
| πολλά | (επίθ.) πολλά, (επίρρ.) πολύ | ||
| πόνι͜α | πόνοι | ||
| τυραννισμέντσα | τυραννισμένη, ταλαιπωρημένη |
¹ Olichka (ρωσ. Оличка): Ολγίτσα
