Αγρέλαφον

Η θάλασσα να κόφκεται
[Αγρέλαφον, αγρέλαφον]
να γίνεται τσ̌αΐρι͜α
[Για πέει με γιατί, αγρέλαφον;]
Να κατηβαίν’ν τ’ αγρέλαφα
[Αγρέλαφον, αγρέλαφον]
να βόσκουν σα τσ̌αΐρι͜α
[Για πέει με γιατί, αγρέλαφον;]

Τ’ αγρέλαφα όλια βόσκουνταν
[Αγρέλαφον, αγρέλαφον]
και όλια μαρουκούνταν
[Για πέει με γιατί, αγρέλαφον;]

♫

Κι έναν μικρόν αγρέλαφον,
μικρόν αγρελαφόπον
Ούτε θέλει να βόσ̌κεται,
ούτε να μαρουκάται
-Ντό έπαθες, αγρέλαφον,
μικρόν αγρελαφόπον
κι ούτε θέλεις να βόσ̌κεσαι
κι ούτε να μαρουκάσαι;

♫

Εντώκαν το πουλόπο μου
[Αγρέλαφον, αγρέλαφον]
ση Σέρας το ποτάμι
[Για πέει με γιατί, αγρέλαφον;]
Εκείνο κι άλλα τέσσερα
[Αγρέλαφον, αγρέλαφον]
είνας αβτζ̌ής εντώκεν
[Για πέει με γιατί, αγρέλαφον]
Κι ατώρα ψέσκουν ακεί πέρ’
[Αγρέλαφον, αγρέλαφον]
σ’ έναν αργυροχάλκιν
[Για πέει με γιατί, αγρέλαφον]