Μάνα η νύφε τ’ εσόν

Προβολή Τραγουδιού

Μάνα, η νύφε τ’ εσόν,
[Αρ’] ατέ θα φέρ’ -τ- σε νερόν
Σα ξύλα ατέ θα πάει
[Αρ’] ήντα̤ν λες ατέν θα ευτάει

Ατέ θα πάει σον μαντρίν
[Αρ’] και θα αλμέ͜ει και το χτήνον
Ατέ θ’ ευτάει βούτορον
[Αρ’] επεκεί πα υλιστόν

Τα δουλείας ατέ θα ’φτάει
και θ’ αλλάζ’ και το παιδίν
Τ’ αχ̌υρών’ και θα παστρεύ’
και τα λώματα θα πλύν’

Γλωσσάρι

Κείμενο	Επεξήγηση	Ετυμ. Ρίζα
αλμέ͜ει	αρμέγει
ατέ	αυτή
ατέν	αυτήν
αχ̌υρών’	αχυρώνα
βούτορον	βούτυρο
δουλείας	(ονομ. πληθ.) δουλειές, (γεν. ενικ.) δουλειάς
επεκεί	από εκεί, από τότε, ύστερα, κατόπιν
εσόν	δικός/ή/ό σου
ευτάει	κάνει, φτιάχνει	εὐθειάζω
ήντα̤ν	οτιδήποτε, ό,τι
λώματα	ρούχα	λῶμα/λωμάτιον
νύφε	νύφη
πα	πάλι, επίσης, ακόμα
παστρεύ’	καθαρίζει	σπαστρεύω (καθαρίζω με σκούπα από σπάρτο)
πλύν’	πλένω/ει
υλιστόν	το πλήρες σε λιπαρά στραγγιστό γιαούρτι
φέρ’	φέρνω/ει
’φτάει	(ευτάει) κάνει, φτιάχνει	εὐθειάζω
χτήνον	αγελάδα