Αγαπώ σε, κορτσόπον

Αγαπώ σε, κορτσόπον,
έλα απέσ’ σ’ εγκαλιόπο μ’
Σο κρεβάτ’ ντο κοιμάσαι
για τ’ εμέν ποίσον τόπον

Είσαι τ’ εμόν το έναν,
χ̌αίρουμαι μετ’ εσέναν
Άμον εσέν, τρυγόνα μ’,
σον κόσμον ’κ’ έν’ κανέναν

Αγαπώ σε, κορτσόπον,
έλα τ’ εμόν γιαβρόπον
Απέσ’ σ’ άσπρα τα ψ̌ήα σ’
ποίσον κι εμέναν τόπον

Είσαι τ’ εμόν το έναν,
χ̌αίρουμαι μετ’ εσέναν
Άμον εσέν, τρυγόνα μ’,
σον κόσμον ’κ’ έν’ κανέναν

Αγαπώ σε, κορτσόπον,
τ’ εμόν το σ̌ο̤χρετόπον
Έλα, ψ̌η μ’, μετ’ εμέναν
ποίσον το χατιρόπο μ’

Είσαι τ’ εμόν το έναν,
χ̌αίρουμαι μετ’ εσέναν
Άμον εσέν, τρυγόνα μ’,
σον κόσμον ’κ’ έν’ κανέναν

Αγαπώ σε, κορτσόπον,
σην καρδία μ’ έ͜εις τόπον
’Σ ση σεβτι͜ά σ’ παλαλούμαι
για τ’ εσέναν σκοτούμαι

Είσαι τ’ εμόν το έναν,
χ̌αίρουμαι μετ’ εσέναν
Άμον εσέν, τρυγόνα μ’,
σον κόσμον ’κ’ έν’ κανέναν

Αγαπώ σε, κορτσόπον,
τ’ εμόν το τσ̌ιτσ̌ακόπον
Μανουσ̌άκι μ’, λουλούδι/ζουμπούλι μ’
πώς θα χάνω τ’ αχούλι μ’!

Είσαι τ’ εμόν το έναν,
χ̌αίρουμαι μετ’ εσέναν
Άμον εσέν, τρυγόνα μ’,
σον κόσμον ’κ’ έν’ κανέναν